არჩეულ მასალაზე გადასვლა

დამატებით მენიუზე გადასვლა

სარჩევზე გადასვლა

იეჰოვას მოწმეები

ქართული

გამოიღვიძეთ!  |  იანვარი 2015

 მთავარი თემა

როგორ გაჩნდა სიცოცხლე?

როგორ გაჩნდა სიცოცხლე?

როგორ დაასრულებდით შემდეგ წინადადებას?

სიცოცხლე გაჩნდა ․․․․․.

  1. ევოლუციის გზით

  2. შემოქმედების გზით

ზოგმა შეიძლება დაასკვნას, რომ ვისთვისაც მეცნიერებაა ავტორიტეტი, ევოლუციას დაასახელებდა, ხოლო ის, ვინც რელიგიურია, შემოქმედებას მიანიჭებდა უპირატესობას.

თუმცა ეს ყოველთვის ასე არ არის.

სინამდვილეში, ბევრი განათლებული ადამიანი, მათ შორის მეცნიერები, ეჭვქვეშ აყენებენ ამ თეორიის სანდოობას.

დავფიქრდეთ ენტომოლოგიის პროფესორის, ჯერარდის სიტყვებზე, რომელიც უნივერსიტეტში ევოლუციას სწავლობდა. ის ამბობს: „გამოცდებზე პროფესორებს ისეთ პასუხებს ვცემდი, რასაც ისინი თვლიდნენ სწორად, მაგრამ ამის თავად არ მჯეროდა“.

რატომ ხდება, რომ ზოგჯერ მათაც კი, ვისთვისაც მეცნიერება ავტორიტეტია, უჭირთ იმის დაჯერება, რომ სიცოცხლე ევოლუციის გზით გაჩნდა? ამ კითხვას რომ ვუპასუხოთ, დავფიქრდეთ ორ კითხვაზე, რომელიც ბევრ მკვლევარს საგონებელში აგდებს: 1) როგორ მიეცა სიცოცხლეს დასაბამი? 2) როგორ განვითარდნენ ცოცხალი ორგანიზმები?