წვდომის პარამეტრები

Search

აირჩიეთ ენა

დამატებით მენიუზე გადასვლა

სარჩევზე გადასვლა

არჩეულ მასალაზე გადასვლა

იეჰოვას მოწმეები

ქართული

გამოიღვიძეთ! ნოემბერი 2012

ყველაფერს თავისი დრო და ადგილი მიუჩინეთ

ყველაფერს თავისი დრო და ადგილი მიუჩინეთ

დღის განმავლობაში სულ მცირე ერთხელ მაინც ისადილეთ ერთად

„დამღალა იმაზე ფიქრმა, თუ როგორ გავაწონასწორო სამუშაო, ბავშვების აღზრდა, სულიერი საკითხები, სახლის საქმეები და დასვენება“ (იოკო, იაპონია).

პრობლემა.

ორი ბიჭის დედა, მირანდა ამბობს: „ძალიან ძნელია დედის მოვალეობის შესრულება მაშინ, როდესაც აბსოლუტურად ყველაფერზე შენა ხარ პასუხისმგებელი — ფიზიკურზე, ემოციურზე და სულიერზე“.

რჩევები.

იფიქრეთ, რა არის თქვენთვის და თქვენი შვილებისთვის მართლა მნიშვნელოვანი და, შესაბამისად, ყველაფერს თავისი ადგილი მიუჩინეთ.

მტკიცედ მიჰყევით დადგენილ პრიორიტეტებს და ისწავლეთ თქვენი დროისა და ფინანსების გონივრულად განკარგვა. მაგალითად, რამდენადაც თქვენი შვილის ჯანმრთელობა ძალზედ მნიშვნელოვანია, გონივრული იქნება, თუ წვალებით ნაშოვნ ფულს ჯანსაღ და ნოყიერ საკვებში დახარჯავთ. ჯობია ფული ასეთი საკვებისთვის დახარჯოთ, ვიდრე წამლებში მოგიწიოთ მისი გადაყრა. სანამ საყიდლებზე წახვალთ, ჯერ სია შეადგინეთ. ეს დაგეხმარებათ იმაში, რომ ფული დაუდევრად არ ხარჯოთ. „საჭმლის კეთება კარგად გამომდის, — ამბობს შეერთებულ შტატებში მცხოვრები ოთხი შვილის მამა, რობერტო. — მაგრამ იმ პროდუქტებს კი არ ვყიდულობ, რომელიც მინდა, არამედ რომელიც მჭირდება — თანაც მჭირდება არა ზოგადად, არამედ კონკრეტულად იმ დღეს“.

გონივრული იქნება, თუ წვალებით ნაშოვნ ფულს ჯანსაღი და ნოყიერი საკვებისთვის დახარჯავთ. ჯობია ფული ასეთი საკვებისთვის დახარჯოთ, ვიდრე წამლებში მოგიწიოთ მისი გადაყრა

ნივთები, რომლებსაც არ იყენებ, მაგალითად, ტანსაცმელი, ფეხსაცმელი და სხვა, სხვას მიეცი, გაყიდე ან გადაყარე. ერთი მარტოხელა დედა ამბობს: „ზედმეტი ნივთები ზედმეტი სტრესია. ბევრ ნივთს მეტი მოვლა და შეკეთება სჭირდება. ცხოვრების გამარტივება ზუსტად იმას ნიშნავს, რომ ზედმეტი ნივთები მოიცილო თავიდან“.

ასწავლეთ ბავშვებს, რომ სანამ დაიძინებენ, ყველაფერი თავ-თავის ადგილას დაალაგონ. სახლი ყოველთვის მოწესრიგებული გქონდეთ. ასეთი სახით ბავშვებს მიაჩვევთ, ყურადღება მიაქციონ და მოუარონ თავიანთ ოთახს და მთლიანად სახლს. რა თქმა უნდა, თქვენი კარგი მაგალითი თქვენს სიტყვას წონას შემატებს.

შეიძლება ძალიან დაკავებული ხართ, მაგრამ შვილებთან დრო აუცილებლად უნდა გაატაროთ; არა რაღაც მორჩენილი დრო, არამედ რაც შეიძლება მეტი. შვილებს თქვენი დრო და ყურადღება სჭირდებათ! (კანონი 6:7).

დღის განმავლობაში სულ მცირე ერთხელ მაინც ისადილეთ ერთად. ეს დრო სასიამოვნო წუთებად აქციეთ. სამი შვილის დედა კოლეტი ამბობს: „ვახშამზე მთელი ოჯახი ერთად ვიკრიბებით. ჩვენს ოჯახში ეს განსაკუთრებული დროა, რადგან ერთმანეთს სულიერად და ემოციურად ვამხნევებთ“.