არჩეულ მასალაზე გადასვლა

დამატებით მენიუზე გადასვლა

სარჩევზე გადასვლა

იეჰოვას მოწმეები

ქართული

ქრისტიანული ცხოვრება და მსახურება — პროგრამა სავარჯიშოებით  |  მარტი 2016

 იცხოვრე ქრისტიანული პრინციპებით

მკვდრეთით აღდგომა გამოსასყიდმა გახადა შესაძლებელი

მკვდრეთით აღდგომა გამოსასყიდმა გახადა შესაძლებელი

გახსენების საღამოზე გვეძლევა იმ მომავალ კურთხევებზე ფიქრის საშუალება, რომელთა მიღებაც გამოსასყიდის წყალობით გახდა შესაძლებელი. ერთ-ერთი კურთხევა მკვდრეთით აღდგომაა. იეჰოვას განზრახვა არ ყოფილა ადამიანების სიკვდილი. ამიტომაც განვიცდით ყველაზე მტკივნეულად საყვარელი ადამიანის სიკვდილს (1 კორ. 15:26). მაგალითად, იესოს გული დაეწვა, როცა დაინახა, რომ მისი მოწაფეები ლაზარეს გლოვობდნენ. იესო მამის სრულყოფილი ანარეკლია; ამიტომ დარწმუნებით შეიძლება ითქვას, რომ იეჰოვასაც ეწვის გული, როცა ხედავს, როგორ განვიცდით საყვარელი ადამიანის სიკვდილს (იოან. 14:7). იეჰოვას ერთი სული აქვს, როდის აღადგენს მკვდრეთით თავის მსახურებს. იმ დროს ჩვენც მოუთმენლად ველით (იობ. 14:14, 15).

ვინაიდან იეჰოვა წესრიგის ღმერთია, გონივრულია, ვიფიქროთ, რომ მკვდრეთით აღდგომა ორგანიზებულად მოხდება (1 კორ. 14:33, 40). დაკრძალვის ცერემონიებს მკვდრეთით აღდგენილთა დახვედრის ცერემონიები შეცვლის. ფიქრობ ხოლმე მკვდრეთით აღდგომაზე, განსაკუთრებით მაშინ, როცა მწუხარებას განიცდი? (2 კორ. 4:17, 18). ემადლიერები იეჰოვას იმისათვის, რომ გამოსასყიდი გაიღო და ბიბლიის მეშვეობით გაგიმჟღავნა, რომ მკვდრები აღდგებიან? (კოლ. 3:15).

  • შენი მეგობრებიდან და ნათესავებიდან ყველაზე მეტად ვის გინდა, რომ შეხვდე?

  • განსაკუთრებით რომელ ბიბლიურ პერსონაჟებთან ისურვებდი შეხვედრასა და საუბარს?