არჩეულ მასალაზე გადასვლა

დამატებით მენიუზე გადასვლა

სარჩევზე გადასვლა

იეჰოვას მოწმეები

ქართული

ბიბლია ონლაინში

ბიბლია (ახალი ქვეყნიერების თარგმანი)

ეფესოელები 4:1—32

4  ამიტომ მე, პატიმარი+ უფალში გევედრებით, იმ მოწოდების ღირსად იაროთ,+ რომლითაც მოწოდებულნი ხართ,+  სრული თავმდაბლობით,+ რბილი ხასიათითა და სულგრძელობით,+ რომ სიყვარულით უთმენდეთ ერთმანეთს+ და  გულმოდგინედ იცავდეთ სულის ერთიანობას მშვიდობის გამაერთიანებელი კავშირით.+  ერთია სხეული,+ ერთია სული+ და ერთია იმედი,+ რომლისკენაც ხართ მოწოდებულნი.  ერთია უფალი,+ ერთია რწმენა,+ ერთია ნათლობა.+  ერთია ყველას ღმერთი+ და მამა, რომელიც ყველაზე მაღლა დგას, ყველას მეშვეობით არის და ყველაშია.  თითოეული ჩვენგანის მიმართ წყალობა+ იმ ზომით იქნა გამოვლენილი, როგორც ქრისტემ გვიბოძა ეს უსასყიდლო ძღვენი.+  ამიტომ ის ამბობს: „ავიდა მაღლა და ტყვეები წაასხა. მოგვცა ძღვენი ადამიანთა სახით“.+  რას ნიშნავს „ავიდა“,+ თუ არა იმას, რომ ის დაბლა დედამიწაზე ჩამოვიდა?+ 10  ის, ვინც ჩამოვიდა, ავიდა+ კიდეც ცათა ზემოთ,+ რათა ყველაფერი სრულყოს.+ 11  მოგვცა ზოგი მოციქულად,+ ზოგი — წინასწარმეტყველად,+ ზოგი — მახარობლად,+ ზოგი — მწყემსად და მასწავლებლად,+ 12  წმინდების გამოსასწორებლად,+ მსახურების საქმისთვის, ქრისტეს სხეულის აღსაშენებლად,+ 13  სანამ ყველა არ მივაღწევთ ერთიანობას რწმენასა და ღვთის ძის შესახებ საფუძვლიან ცოდნაში, სანამ არ გავხდებით ზრდადასრულებულნი+ და არ მივაღწევთ ქრისტეს სისავსისთვის დამახასიათებელ მოწიფულობას,+ 14  რათა აღარ ვიყოთ ჩვილები, რომლებსაც თითქოს არყევს+ ტალღები და აქანავებს სწავლების+ ყოველი ქარი, ადამიანთა მზაკვრობითა+ და ცბიერებით გამიზნული სიცრუით, 15  არამედ ჭეშმარიტება+ ვილაპარაკოთ და ყველაფერში სიყვარულით გავიზარდოთ+ მასში, ვინც არის თავი+ — ქრისტე. 16  მისგან მთელი სხეული,+ თანაზომიერად შეერთებული და თანამშრომლობისკენ აღძრული საჭირო სახსრების მეშვეობით, თითოეული ნაწილის თავისი ზომით მოქმედების შესაბამისად იზრდება, რათა საკუთარი თავი აღაშენოს სიყვარულში.+ 17  ამიტომ ამას ვამბობ და ვამოწმებ უფალში, რომ აღარ იაროთ ისე, როგორც უცხოტომელები+ დადიან თავიანთი გონების ამაოებით,+ 18  გონებადაბნელებულნი+ და ღვთისგან მომდინარე სიცოცხლისგან გაუცხოებულნი+ თავიანთი უმეცრებისა+ და უგრძნობი+ გულების გამო. 19  ყველანაირად ზნედაცემულნი*,+ თავაშვებულობას+ მიეცნენ, რათა უწმინდურება+ ჩაიდინონ ყოველგვარი გაუმაძღრობით.+ 20  თქვენ კი ასეთად არ გისწავლიათ ქრისტე,+ 21  თუ მოგისმენიათ მისთვის და გისწავლიათ მისგან,+ რადგან ჭეშმარიტება+ იესოშია, 22  რათა მოიშოროთ ძველი პიროვნება,+ რომელიც თქვენი წინანდელი ცხოვრების შესაბამისია და ირყვნება+ მაცდუნებელი სურვილებით,+ 23  განიახლოთ გონების აღმძვრელი ძალა+ 24  და შეიმოსოთ+ ახალი პიროვნება,+ რომელიც შექმნილია+ ღვთის ნების თანახმად ჭეშმარიტი სიმართლითა+ და ერთგულებით. 25  ამიტომ ახლა, რადგან მოიშორეთ სიცრუე,+ თითოეულმა თქვენგანმა მოყვასს ჭეშმარიტება ელაპარაკოს,+ რადგან ერთი სხეულის ნაწილები ვართ და ერთმანეთს ვეკუთვნით.+ 26  განრისხებისას ნუ შესცოდავთ.+ მზე ისე ნუ ჩავა, რომ გაღიზიანებულები დარჩეთ;+ 27  ადგილი არ მისცეთ ეშმაკს.+ 28  ვინც იპარავდა, ნუღარ მოიპარავს,+ არამედ იშრომოს, საკუთარი ხელით აკეთოს კარგი საქმე,+ რათა ჰქონდეს გაჭირვებულისთვის მისაცემი.+ 29  ნუ გამოვა თქვენი პირიდან ცუდი სიტყვა,+ არამედ მხოლოდ კარგი გამოვიდეს აღსაშენებლად საჭიროებისამებრ, რათა ამან მადლი მიანიჭოს მსმენელებს.+ 30  ნუ დაანაღვლიანებთ ღვთის წმინდა სულს*,+ რომლითაც ბეჭედდასმულნი+ ხართ გამოსასყიდით გათავისუფლების დღისთვის.+ 31  მოიშორეთ ყოველგვარი გამწარება,+ ბრაზი, რისხვა, ყვირილი და ლანძღვა+ ყოველგვარ ბოროტებასთან ერთად.+ 32  კეთილად მოექეცით+ ერთმანეთს, დიდად თანაუგრძნეთ+ და მთელი გულით აპატიეთ ერთმანეთს, როგორც ღმერთმა გაპატიათ მთელი გულით ქრისტეს მეშვეობით.+

სქოლიოები

ანუ უგრძნობნი.
ბერძნულად პნევმა. იხილეთ დანართი 2ბ.