არჩეულ მასალაზე გადასვლა

დამატებით მენიუზე გადასვლა

იეჰოვას მოწმეები

ქართული

JW ენები

JW ენები იეჰოვას მოწმეების მიერ გამოშვებული ოფიციალური აპლიკაციაა, რომელიც დახმარებას გაუწევს მათ, ვინც უცხო ენას ეუფლება. ამ აპლიკაციის მეშვეობით თქვენი სიტყვათა მარაგი გამდიდრდება და, ამავდროულად, ისეთ ფრაზებსაც ისწავლით, მსახურებაში და კრების შეხვედრებზე გამოგადგებათ.

 

ხელმისაწვდომია მრავალ ენაზე

ხელმისაწვდომი 18 ენიდან შეგიძლიათ შეარჩიოთ, როგორც თქვენი მშობლიური (თუ ჩამონათვალში თქვენი მშობლიური ენა მითითებული არ არის, საწყის ენად აირჩიეთ ის ენა, რომელიც ყველაზე კარგად გესმით), ისე ის ენა, რომლის სწავლაც გსურთ. ხელმისაწვდომ ენებს შორისაა ბენგალური, ბირმული (მიანმური), გერმანული, ესპანური, თურქული, იაპონური, ინგლისური, ინდონეზიური, იტალიური, კორეული, პორტუგალიური, რუსული, სუაჰილი, ტაგალური, ტაი (სიამური), ფრანგული, ჩინური (გამარტივებული) ჩანაწერებით მანდარინზე და ჰინდი.

 

მსახურებაზე ორიენტირებული მასალა

აპლიკაცია JW ენები ისეა შედგენილი, რომ მსახურებაში გამოსადეგი სიტყვები და ფრაზები ისწავლოთ; ამავდროულად, ბევრ ბიბლიურ სიტყვასაც ისწავლით. ამ აპლიკაციაში შესულია რამდენიმე ბუკლეტიც, სადაც შედარების მიზნით ერთმანეთის პარალელურადაა დალაგებული ფრაზები თქვენს მშობლიურსა და იმ ენაზე, რომელსაც ეუფლებით.

 

სწავლება სხვადასხვა მეთოდით

  • წაიკითხეთ მშობლიურ და უცხო ენაზე ერთმანეთის პარალელურად განლაგებული მასალა და შეადარეთ ერთმანეთს.

  • მოუსმინეთ ცალკეული სიტყვის, ფრაზის და პუბლიკაციის ჩანაწერებს, რომელთაც თქვენთვის სასურველ ენაზე მოლაპარაკე ახმოვანებს.

  • უყურეთ ვიდეორგოლებს „რატომ ვსწავლობთ ბიბლიას?“ და „როგორ ტარდება ბიბლიის შესწავლა?“ მშობლიურ და უცხო ენებზე.

  • თვითშემოწმება ბარათებით.

 

რჩეული

დაამახსოვრებინეთ ნებისმიერი ჩანაწერი რჩეულში, რათა სწრაფად შეძლოთ იმ ფრაზების ნახვა, რომლებსაც ხშირად იყენებთ ან გიჭირთ მათი დამახსოვრება ან წარმოთქმა. თქვენი რჩეული შეგიძლიათ ბარათების სახითაც იხილოთ.

 

რომანიზაცია

იმ ენებისთვის, რომელთაც არა აქვთ ლათინური დამწერლობა, სიტყვები და ფრაზები ლათინური ანბანითაც არის ხელმისაწვდომი.

 

დახმარება

თუ ამ აპლიკაციის გამოყენებასთან დაკავშირებით დახმარებას საჭიროებთ, გთხოვთ, შეავსოთ დახმარების ბლანკი.