წვდომის პარამეტრები

Search

აირჩიეთ ენა

დამატებით მენიუზე გადასვლა

არჩეულ მასალაზე გადასვლა

იეჰოვას მოწმეები

ქართული

ახალგაზრდების შეკითხვები

როგორ უნდა დაველაპარაკო მშობლებს დადგენილ წესებთან დაკავშირებით?

როგორ უნდა დაველაპარაკო მშობლებს დადგენილ წესებთან დაკავშირებით?

რა გჭირდება: ტაქტიანი საუბარი

საუბარი ძალიან მნიშვნელოვანი, რადგან

  • საუბრის დროს გიგებენ სხვები.

  • საუბრის დროს იგებ, თუ რატომ გეუბნებიან რამეზე უარს.

    თუ გინდა, რომ, როგორც მოწიფულ ადამიანს, ისე მოგექცნენ, საჭიროა, ისწავლო მოწიფული ადამიანისთვის დამახასიათებელი ტაქტიანი საუბარი. როგორ შეგიძლია ამის გაკეთება?

ისწავლე ემოციების გაკონტროლება. კარგი საუბარი რომ შედგეს, აუცილებელია თავშეკავება. ბიბლიაში ვკითხულობთ: „სულელი თავის სულს გარეთ ღვრის, ბრძენი კი ბოლომდე სიმშვიდეს ინარჩუნებს“ (იგავები 29:11).

რას ვსწავლობთ ამ სიტყვებიდან? მოერიდე წუწუნს, გაბუტვას, კარის გაჯახუნებას ან სახლში ბრაგაბრუგით სიარულს. თუ ასე მოიქცევი, უფრო მეტ წესს დაგიდგენენ მშობლები და არც თავისუფლებას მოგცემენ.

შეეცადე მშობლების თვალით შეხედო ყველაფერს. დავუშვათ, მშობლები არ გიშვებენ წვეულებაზე. შეკამათების ნაცვლად, ჰკითხე მათ:

„არც მაშინ გამიშვებთ, თუ სანდო მეგობრებთან ერთად წავალ?“

შეიძლება მშობლებმა მაინც არ გაგიშვან, მაგრამ თუ შეეცდები, დაინახო, რა აშინებთ, შეძლებ ისე აუხსნა ყველაფერი, რომ დაგთანხმდნენ.

მშობლების მორჩილება ჰგავს საბანკო სესხის დაფარვას — რაც უფრო მეტ ნდობას მოიპოვებ, მით უფრო „დიდ კრედიტს მოგცემენ“ ანუ მეტ ნდობას გამოგიცხადებენ

მოიპოვე მშობლების ნდობა. მაგალითად, ვინმეს ბანკის ვალი აქვს. თუ მას რეგულარულად შეაქვს ბანკში თანხა, ბანკის თანამშრომლების ნდობას მოიპოვებს და მომავალში შესაძლოა უფრო დიდი კრედიტიც მისცენ.

იმავეს თქმა შეიძლება შენს ოჯახზეც. შენ ვალდებული ხარ, დაემორჩილო მშობლებს. თუ გამუდმებით უცრუებ მათ იმედს, არ უნდა გაგიკვირდეს, თუ ისინი „საკრედიტო ლიმიტს“ შეგიმცირებენ ან საერთოდ უარს გეტყვიან „ასეთ კრედიტზე“.

მაგრამ თუ მცირედშიც კი მოიპოვებ მშობლების ნდობას, ალბათ მომავალში ისინი შენ მიმართ უფრო მეტ ნდობას გამოავლენენ.

 

 

გაიგეთ მეტი

ახალგაზრდების შეკითხვები (ტომი 1)

ამ წიგნში განიხილება ისეთი საკითხები, როგორიცაა: ალკოჰოლი და ნარკოტიკები, სქესობრივი ურთიერთობა და ზნეობა, საპირისპირო სქესთან ურთიერთობა და პაემანი.