ფსალმუნები 79:1—13
ასაფის საგალობელი.+
79 ხალხები შეიჭრნენ შენს სამკვიდროში, ღმერთო,+წაბილწეს შენი წმინდა ტაძარი,+ნანგრევებად აქციეს იერუსალიმი.+
2 შენი მსახურების გვამები ცის ფრინველებს მიუგდეს საჯიჯგნად,შენს ერთგულთა ხორცი — მიწის მხეცებს.+
3 წყალივით დაღვარეს მათი სისხლი მთელ იერუსალიმში;კაცი არ დარჩა მათი დამმარხავი.+
4 ჩვენი თავი შეაძულე მეზობლებს,+დაგვცინიან და მასხრად გვიგდებენ ირგვლივ მყოფნი.
5 იეჰოვა, როდემდე იქნები განრისხებული?! მარადიულად?!+
როდემდე იგიზგიზებს ცეცხლივით შენი რისხვა?!+
6 გადმოღვარე შენი რისხვა ხალხებზე, რომლებიც არ გიცნობენ,და სამეფოებზე, რომლებიც შენს სახელს არ უხმობენ.+
7 მათ შთანთქეს იაკობი და გააპარტახეს მისი სამკვიდრო.+
8 ნუ მოგვკითხავ ჩვენი წინაპრების ცოდვებს.+
დროულად გვიყავი წყალობა,+რადგან უკიდურესად დავძაბუნდით.
9 დაგვეხმარე, ღმერთო, ჩვენო მხსნელო,+შენი დიდებული სახელის გამო;გვიხსენი და გვაპატიე ცოდვები შენი სახელის გულისთვის.+
10 რატომ უნდა თქვან ხალხებმა, სად არისო მათი ღმერთი?!+
ჩვენი თვალით დაგვანახვე, როგორ გაიგებენ ხალხები,რომ შურს იძიებ შენი მსახურების დაღვრილი სისხლის გამო.+
11 მოაღწიოს შენამდე პატიმრის ოხვრამ.+
შენი ძალით იხსენი სიკვდილმისჯილნი.+
12 შვიდმაგად მიუზღე ჩვენს მეზობლებს,+ჩვენს დამცინავთ, იეჰოვა!+
13 ჩვენ კი, შენი ხალხი და შენი ფარის ცხვრები,+მადლობას მოგიძღვნით მარადიულადდა ხოტბას შეგასხამთ თაობიდან თაობაში!+
