ფსალმუნები 46:1—11
გუნდის ხელმძღვანელს. კორახის ძეების+ საგალობელი. ალამოთი*.
46 ღმერთია ჩვენი თავშესაფარი და ძალა,+შემწე, რომელიც უსათუოდ შეგვეწევა გაჭირვების ჟამს.+
2 ამიტომ არ შეგვეშინდება, თუნდაც სახე იცვალოს დედამიწამ,თუნდაც მთები დაინთქან ზღვის სიღრმეში,+
3 თუნდაც ახმაურდნენ და აზვირთდნენ მისი წყლები,+თუნდაც შეძრას მთები მისმა ბობოქრობამ. (სელა)
4 მოედინება მდინარე, რომლის ნაკადებიც ახალისებს ღვთის ქალაქს,+უზენაესის წმინდა და დიდებულ კარავს.
5 ღმერთია ამ ქალაქში;+ არ დაემხობა ის,
გარიჟრაჟზე მოვა ღმერთი მის საშველად.+
6 ხმაურობდნენ ხალხები, დაემხო სამეფოები,დასჭექა მან და დადნა დედამიწა.+
7 ჩვენთან არის იეჰოვა, ლაშქართა ღმერთი.+იაკობის ღმერთია ჩვენი თავშესაფარი. (სელა)
8 მოდით და იხილეთ იეჰოვას საქმეები,რა საოცრებები მოიმოქმედა დედამიწაზე!
9 ის წყვეტს ომებს მთელ დედამიწაზე,+
მშვილდს ლეწავს და შუბს ამტვრევს,ცეცხლში ბუგავს საომარ ეტლებს*.
10 „დამმორჩილდით და იცოდეთ, რომ მე ვარ ღმერთი!
განვდიდდები ხალხებში,+განვდიდდები დედამიწაზე!“+
11 ჩვენთან არის იეჰოვა, ლაშქართა ღმერთი.+იაკობის ღმერთია ჩვენი თავშესაფარი.+ (სელა)
