ფსალმუნები 35:1—28
დავითის ფსალმუნი.
35 იეჰოვა, წარმართე ჩემი საქმე და დამიცავი ჩემი მოწინააღმდეგეებისგან;+შეებრძოლე ჩემ წინააღმდეგ მებრძოლთ.+
2 ხელთ იპყარი პატარა ფარიცა და დიდი ფარიც+
და აღდექ ჩემ დასაცავად;+
3 შუბი და ცული მოუღერე ჩემს მდევნელებს.+
მითხარი, მე ვარ-თქო შენი მხსნელი.+
4 შერცხვნენ და დამცირდნენ ჩემზე მონადირენი.+
სირცხვილნაჭამნი უკუიქცნენ ჩემი მოსპობის მსურველნი.
5 ბზეს დაემსგავსონ ქარში,იეჰოვას ანგელოზმა განდევნოს ისინი.+
6 ბნელი და მოლიპული იყოს მათი გზა,როცა იეჰოვას ანგელოზი დაედევნება.
7 ვინაიდან უმიზეზოდ დამიგეს ბადე;უმიზეზოდ გამითხარეს ორმო.
8 მოულოდნელად დაატყდეს მას უბედურება,თავისივე დაგებულ ბადეში გაებას,ორმოში ჩავარდეს და განადგურდეს!+
9 მე კი იეჰოვათი გავიხარებ,ვიმხიარულებ, რადგან ის არის მხსნელი.
10 მთელი არსებით ვიტყვი:
„იეჰოვა, ვინ არის შენი მსგავსი?!
შენ იხსნი უმწეოს ძლიერისგან,+საწყალსა და ღარიბს — მძარცველისგან“.+
11 ცრუმოწმეები მიპირისპირდებიან+და იმაში მდებენ ბრალს, რის შესახებაც არც კი მსმენია.
12 სიკეთეს ბოროტებით მიხდიან,+იმედგაცრუებული ვარ.
13 მე კი მათი სნეულების დროს ჯვალოს სამოსს ვიცვამდი,და მარხვით ვიტანჯავდი თავს;ხოლო, როცა უპასუხოდ რჩებოდა ჩემი ლოცვა,
14 ვგლოვობდი ისე, როგორც ძმასა და მეგობარს გლოვობენ;დედაზე მგლოვიარესავით მოვიკაკვე.
15 მაგრამ ისინი ჩემმა წაბორძიკებამ გაახარა და ერთად შეიყარნენ;შეიყარნენ, რომ მოულოდნელად დამსხმოდნენ თავს,მგლეჯდნენ, არ ჩუმდებოდნენ.
16 უღვთოები ღვარძლიანად დამცინიან*,კბილებს მიღრჭენენ.+
17 იეჰოვა, როდემდე უნდა უყურო ამას?!+
დამიხსენი თავდამსხმელთაგან,+დაიხსენი ლომებისგან ჩემი ძვირფასი სიცოცხლე.+
18 მაშინ მადლობას მოგიძღვნი დიდ კრებულში,+უამრავ ხალხში შეგასხამ ხოტბას.
19 ნუ გაიხარებენ ჩემი უბედურებით ჩემზე უმიზეზოდ გადამტერებულნი;
ნუ ჩაუკრავენ ერთმანეთს თვალს+ უმიზეზოდ ჩემი მოძულენი;+
20 ვინაიდან არ ლაპარაკობენ მშვიდობაზე,მზაკვრობას იზრახავენ მშვიდობიანი ხალხის წინააღმდეგ.+
21 ბაგეს ხსნიან, რომ ბრალი დამდონ,ამბობენ, ახია მასზე, ჩვენი თვალით ვიხილეთო.
22 შენ ხედავ ამას, იეჰოვა, ნუ დადუმდები!+
იეჰოვა, შორს ნუ დაიჭერ თავს ჩემგან!+
23 გამოიღვიძე, აღდექ ჩემს დასაცავად,იეჰოვა, ჩემო ღმერთო, გამომესარჩლე სასამართლოზე.
24 შენი სიმართლისამებრ გამასამართლე,+ იეჰოვა, ჩემო ღმერთო;ჩემი უბედურებით ნუ გაახარებ მათ.
25 ნუ იტყვიან თავიანთთვის, ახია მასზე, ვეწიეთო საწადელს.
ნურასდროს იტყვიან, ჩავყლაპეთო.+
26 შერცხვეს და დამცირდეს ყველა,ვინც ჩემი უბედურებით ხარობს.
სირცხვილითა და დამცირებით შეიმოსონ ისინი, ვინც მედიდგულებიან.
27 სიხარულით იყიჟინონ მათ, ვისაც ჩემი სიმართლე ახარებს;კვლავ და კვლავ თქვან:
„დიდება იეჰოვას, რომელსაც თავისი მსახურის მშვიდობა ახარებს!“+
28 შენს სიმართლეზე ილაპარაკებს ჩემი ენა+და გაქებს მთელი დღე.+
სქოლიოები
^ ან შესაძლოა: „უღვთოები ერთი კვერის სანაცვლოდ დამცინიან“.
