ფსალმუნები 30:1—12
-
გლოვას სიხარული ცვლის.
-
ღვთის კეთილგანწყობა მთელი სიცოცხლე გრძელდება (5).
-
საგალობელი სახლის მიძღვნისთვის. დავითის ფსალმუნი.
30 განგადიდებ, იეჰოვა, რადგან წამომაყენედა ჩემი მტერი არ გაახარე ჩემი უბედურებით.+
2 იეჰოვა, ჩემო ღმერთო, შველა გთხოვე და შენც განმკურნე.+
3 იეჰოვა, შენ ამომიყვანე* სამარიდან*,+
ცოცხალი დამტოვე და საფლავისთვის არ გამიმეტე.+
4 უგალობეთ იეჰოვას, ერთგულნო მისნო,+მადლობდეთ მის წმინდა სახელს,+
5 რადგან მცირე ხანს გრძელდება მისი რისხვა,+მისი კეთილგანწყობა კი — მთელი სიცოცხლე;+
საღამოს თუ გლოვა დაისადგურებს, დილით მას სიხარულის ყიჟინი შეცვლის.+
6 უშფოთველად მყოფმა ვთქვი,
არასოდეს წავიფორხილებ-მეთქი.
7 იეჰოვა, შენი წყალობის ჟამს მთასავით გყავდი განმტკიცებული,+
მაგრამ, როცა პირი იბრუნე ჩემგან, შევძრწუნდი.+
8 იეჰოვა, შენ მოგიხმობდი;+წყალობას შევთხოვდი იეჰოვას.
9 რა ხეირი, თუ მოვკვდები, თუკი საფლავში ჩავალ?!+
განა შეგასხამს მტვერი ხოტბას?!+
განა ილაპარაკებს შენს ერთგულებაზე?!+
10 მისმინე, იეჰოვა, და წყალობა მიყავი!+
შემეწიე, იეჰოვა!+
11 შენ გლოვა ცეკვად მიქციე,ჯვალოს სამოსი გამხადე და სიხარულით შემმოსე,
12 რომ გიგალობო და არ დავდუმდე.
იეჰოვა, ჩემო ღმერთო, მარადიულად შეგასხამ ხოტბას!
სქოლიოები
^ სიტყვასიტყვით — „ჩემი სული“; ებრ. „ნეფეშ“. იხ. „სული“ („ბიბლიურ სიტყვათა განმარტებანი“).
^ ებრ. „შეოლ“. იხ. „სამარე“ („ბიბლიურ სიტყვათა განმარტებანი“).
