ფსალმუნები 28:1—9
-
იეჰოვამ შეისმინა ფსალმუნმომღერლის ლოცვა.
-
„იეჰოვაა ჩემი ძალა და ფარი“ (7).
-
დავითის ფსალმუნი.
28 შენ მოგიხმობ, იეჰოვა, ჩემო კლდეო,+ყურს ნუ დაიხშობ!
თუ დადუმდები,საფლავში ჩამავალს დავემსგავსები.+
2 ისმინე ჩემი ვედრება, როცა შველას გთხოვ,როცა ხელებს აღვაპყრობ შენი წმინდათაწმინდისკენ.+
3 ნუ განმსჯი ბოროტებთან, სიავის მქნელებთან ერთად,+თავიანთ მოძმეებს ტკბილად რომ ელაპარაკებიან, გულში კი ბოროტება აქვთ.+
4 მიაგე მათ მათი საქმეებისამებრ,+მათი ბოროტებისამებრ;
თავიანთი ნამოქმედარისამებრ მიაგე მათ,რაც დაიმსახურეს, ის მიუზღე,+
5 რადგან არაფრად აგდებენ იეჰოვას საქმეებსა+და მის ხელთა ნამოქმედარს.+
ის დასცემს მათ და აღარ წამოაყენებს.
6 დიდება იეჰოვას,რადგან შეისმინა ჩემი ვედრება, შველას რომ ვთხოვდი.
7 იეჰოვაა ჩემი ძალა+ და ფარი,+გულით ვენდობი მას.+
შემეწია იგი და გული გამიხალისა,ამიტომაც ვუგალობებ მას.
8 იეჰოვა ძალაა თავისი ხალხისთვის,ციხესიმაგრეა, თავისი ცხებულის დიდებული მხსნელი.+
9 იხსენი შენი ხალხი, აკურთხე შენი საკუთრება!+
მწყემსე ისინი და ხელში აყვანილი ატარე მარადიულად!+
