ფსალმუნები 22:1—31
გუნდის ხელმძღვანელს: „ფურირემი ცისკარზე“*. დავითის საგალობელი.
22 ჩემო ღმერთო, ჩემო ღმერთო, რატომ მიმატოვე?+
რატომ ხარ შორს და არ მშველი?რატომ ხარ შორს და არ გესმის ჩემი კვნესა?+
2 ჩემო ღმერთო, დღისით გიხმობ, მაგრამ არ მპასუხობ,+ღამითაც არ ვდუმდები.
3 წმინდა ხარ,+ყოველი მხრიდან გიძღვნის ქებას ისრაელი.
4 შენ გენდობოდა ჩვენი მამა-პაპა,+გენდობოდნენ და შენც იხსნიდი მათ.+
5 შენ შემოგღაღადებდნენ და თავს აღწევდნენ საფრთხეს;შენ გენდობოდნენ და არ გაწბილებულან.+
6 თითქოს კაცი კი არა, მატლი ვიყო,კაცთაგან ნაძრახი და ხალხთაგან მოძულებული.+
7 ვინც კი მხედავს, ყველა დამცინის,+სასაცილოდ მიგდებენ და ზიზღით თავს აქნევენ:+
8 „იეჰოვას მიენდო და მან გადაარჩინოს,
მან იხსნას, რაკი ასე ძვირფასია მისთვის!“+
9 შენ გამომიყვანე დედის მუცლიდან+და მის მკერდზე დამამშვიდე.
10 დაბადებიდან ჩემზე ზრუნავ;დედის მუცლიდან შენ ხარ ჩემი ღმერთი.
11 ნუ გამშორდები, რადგან კარს მომდგომია გასაჭირი+და შენ გარდა არ მყავს მშველელი.+
12 მოზვრები მახვევია გარს,+ბაშანის ძლიერი ხარები შემომრტყმიან.+
13 ჩემ წინააღმდეგ დააღეს ხახა+მბრდღვინავი ლომივით, მსხვერპლს რომ გლეჯს.+
14 წყალივით დავიღვარე,ჩემი ძვლები ერთმანეთს დაშორდა;
ცვილივით გამიხდა გული,+მკერდში ჩამადნა.+
15 თიხის ჭურჭლის ნატეხივით გამოვიფიტე,+ენა სასაზე მიმეკრა,+სიკვდილის მტვერში ჩამიყვანე.+
16 მტრები ძაღლებივით დამეხვივნენ,+ბოროტმოქმედთა ხროვასავით შემომერტყნენ;+ლომივით ეტანებიან ჩემს ხელ-ფეხს.+
17 ყველა ძვალი დამეთვლება.+
მიყურებენ და მომჩერებიან ისინი.
18 ჩემს მოსასხამს ინაწილებენდა წილს ყრიან ჩემს სამოსელზე.+
19 შენ კი, შორს ნუ იქნები, იეჰოვა!+
იჩქარე ჩემ დასახმარებლად, ჩემო ძალავ!+
20 მიხსენი მახვილისგან,იხსენი ჩემი ძვირფასი სიცოცხლე ძაღლის ბრჭყალებისგან;+
21 მიხსენი ლომის ხახისგან+ და გარეული ხარის რქებისგან,მიპასუხე და გადამარჩინე.
22 ჩემს ძმებს ვაუწყებ შენს სახელს;+კრებულში მოგიძღვნი ქებას.+
23 იეჰოვას მოშიშნო, ქება უძღვენით მას!
იაკობის შთამომავალნო, განადიდეთ იგი!+
გეშინოდეთ მისი, ისრაელის შთამომავალნო!
24 ვინაიდან არც აბუჩად აუგდია და არც შეზიზღებია ჩაგრული გაჭირვების გამო;+
პირი არ მოურიდებია მისთვის+
და, როცა შველას სთხოვდა, უსმენდა მას.+
25 ხოტბას შეგასხამ დიდ კრებულში;+ჩემს აღთქმებს შევასრულებ შენს მოშიშთა წინაშე.
26 თვინიერები შეჭამენ და გაძღებიან;+ქებას მიუძღვნიან იეჰოვას მისი მაძიებლები.+
მარადიულად ძგერდეს თქვენი გულები!
27 დედამიწის კიდით კიდემდე გაიხსენებენ იეჰოვას და დაუბრუნდებიან მას,
დედამიწის ყველა ხალხი თაყვანს სცემს მას.+
28 იეჰოვასია მეფობა,+ის არის ხალხთა მმართველი.
29 ამა ქვეყნის მდიდრები შეჭამენ და პირქვე დაემხობიან,მუხლს მოიყრის მის წინაშე ყველა, ვინც მიწის მტვერს უბრუნდება;ვერავინ გადაირჩენს თავს.
30 მას ემსახურებიან მათი შთამომავლები;იეჰოვას შესახებ ეუწყება მომავალ თაობას.
31 მოვლენ და აუწყებენ მის სიმართლეს;
მოუთხრობენ მისი საქმეების შესახებ მათ, ვინც დაიბადება.
სქოლიოები
^ შესაძლოა იგულისხმებოდეს მუსიკალური ტონალობა.
