ფსალმუნები 132:1—18
აღსავალი სიმღერა.
132 იეჰოვა, ნუ დაივიწყებ დავითსდა მთელ მის ტანჯვას.+
2 ნუ დაივიწყებ, იეჰოვა, როგორ შემოგფიცადა რა აღგითქვა შენ, იაკობის ძლევამოსილ ღმერთს:+
3 „არ შევალ ჩემს კარავში, ჩემს სახლში,+
არ დავწვები ტახტზე, ჩემს საწოლზე,
4 თვალს არ მოვხუჭავ და არ ჩავთვლემ,
5 სანამ არ ვიპოვი ადგილს იეჰოვასთვის,დიდებულ სამკვიდროს — იაკობის ძლევამოსილი ღვთისთვის“.+
6 ეფრათაში+ მოვისმინეთ მის* შესახებ,ტყიან მხარეში მივაკვლიეთ მას!+
7 მივიდეთ მის სამკვიდროში+და დავემხოთ მის ფეხსადგამთან.+
8 წამოიმართე, იეჰოვა, შენს დასავანებელ ადგილზე მისასვლელად,+შენ და შენთან ერთად შენი ძლიერების კიდობანიც!+
9 სიმართლით შეიმოსონ შენი მღვდლებიდა სიხარულით შესძახონ შენმა ერთგულებმა.
10 შენი მსახურის, დავითის გულისთვისნუ უარყოფ შენს ცხებულს.+
11 იეჰოვამ შეჰფიცა დავითსდა უკან არ წაიღებს თავის სიტყვას:
„შენს შთამომავალსდავსვამ შენს ტახტზე.+
12 თუ დაიცავენ შენი შთამომავლები ჩემს შეთანხმებასდა მათთვის მიცემულ ჩემს მითითებებს*,+მათი შთამომავლებიც მარადიულად ისხდებიან შენს ტახტზე“.+
13 იეჰოვამ ამოირჩია სიონი,+იქ მოისურვა დამკვიდრება:+
14 „მარადიულად აქ დავივანებ,აქ დავმკვიდრდები,+ რადგან ასე ვისურვე.
15 ვაკურთხებ ამ ქალაქს და არ მოაკლდება საზრდო,პურით გავაძღებ მის ღარიბებს.+
16 ხსნით შევმოსავ მის მღვდლებს+და სიხარულით იყიჟინებენ მისი ერთგულები.+
17 იქ შევმატებ ძალას დავითს.
ლამპარი გავმართე ჩემი ცხებულისთვის.+
18 მის მტრებს სირცხვილით შევმოსავ,მისი გვირგვინი კი იბრწყინებს“.+
