რომაელების მიმართ 6:1—23

  • ქრისტე იესოში ნათლობა ახალი ცხოვრების დასაწყებად (1—11).

  • „ნუღარ იმეფებს ცოდვა თქვენს მოკვდავ სხეულში“ (12—14).

  • ცოდვის მონობიდან ღვთის მონობამდე (15—23).

    • ცოდვის საზღაური სიკვდილია, ღვთის ძღვენი კი — სიცოცხლე (23).

6  მაშ, რა გამოდის, კვლავაც შევცოდოთ, რომ წყალობა გამრავლდეს?!  არავითარ შემთხვევაში! თუ ცოდვისთვის დავიხოცეთ,+ როგორღა უნდა ვცოდავდეთ კვლავ?!+  ნუთუ არ იცით, რომ ყველა, ვინც ქრისტე იესოში მოვინათლეთ,+ იმისთვის მოვინათლეთ, რომ მისი სიკვდილის მოზიარენი გავმხდარიყავით?!+  ამგვარი ნათლობით ქრისტესთან ერთად დავიმარხეთ,+ რათა ქრისტეს მსგავსად, რომელიც მამამ თავისი დიდებული ძალით აღადგინა მკვდრეთით, ჩვენც ვიცხოვროთ ახალი ცხოვრებით.+  თუკი მსგავსი სიკვდილი გვაერთიანებს მასთან,+ მაშინ მსგავსი აღდგომაც გაგვაერთიანებს.+  ვიცით, რომ ჩვენი ძველი პიროვნება მასთან ერთად იქნა ძელზე გაკრული,+ რათა ჩვენს ცოდვილ სხეულს ძალა დაეკარგა+ და ცოდვის მონები აღარ ვყოფილიყავით,+  ვინაიდან, ვინც მოკვდა, ცოდვისგან გათავისუფლდა.  უფრო მეტიც, თუ ქრისტესთან ერთად დავიხოცეთ, გვწამს, რომ მასთან ერთად ვიცოცხლებთ კიდეც.  ვიცით, რომ მკვდრეთით აღმდგარი ქრისტე+ აღარ კვდება,+ სიკვდილი აღარ ბატონობს მასზე; 10  ის ერთხელ მოკვდა ცოდვის მოსასპობად,+ ახლა კი ცოცხლობს ღვთისთვის. 11  თქვენც ასევე, ჩათვალეთ, რომ ცოდვისთვის დაიხოცეთ და ღვთისთვის ცოცხლობთ ქრისტე იესოს მეშვეობით.+ 12  მაშ, ნუღარ იმეფებს ცოდვა თქვენს მოკვდავ სხეულში,+ რომ არ დაემონოთ ხორციელ სურვილებს. 13  ნურც უმართლობის იარაღად აქცევთ თქვენს სხეულებს ცოდვის ხელში, არამედ ღმერთს წარუდგინეთ თავი თქვენ, ვინც უკვე გაცოცხლდით, და თქვენი სხეულებიც ღმერთს წარუდგინეთ სიმართლის იარაღად.+ 14  ცოდვამ არ უნდა იბატონოს თქვენზე, რადგან კანონს კი არ ექვემდებარებით,+ არამედ ღვთის წყალობას.+ 15  მაშ, რა გამოდის, უნდა შევცოდოთ, რადგან კანონს კი არ ვექვემდებარებით, არამედ წყალობას?!+ არავითარ შემთხვევაში! 16  ნუთუ არ იცით, რომ ვისაც ემორჩილებით და ვისაც ემონებით, მისი მონები ხართ?!+ თუ ცოდვას ემონებით+, ვერ იცოცხლებთ,+ ხოლო, თუ ღვთის მონები იქნებით და მას დაემორჩილებით, მართლებად ჩაითვლებით. 17  ვმადლობთ ღმერთს, რომ უწინ ცოდვის მონები ახლა გულით დაემორჩილეთ ღვთისგან ნასწავლს. 18  ამიტომ, რადგან ცოდვისგან გათავისუფლდით,+ სიმართლის მონები გახდით.+ 19  ადამიანური ენით გესაუბრებით თქვენი ცოდვილი ბუნების გამო: როგორც უწინ დაუმონეთ თქვენი სხეულები უწმინდურებასა და უკანონობას უკანონობისთვის, ისე ახლა დაუმონეთ თქვენი სხეულები სიმართლეს სიწმინდისთვის.+ 20  როცა ცოდვის მონები იყავით, მაშინ სიმართლეს არ ემონებოდით. 21  როგორი ნაყოფი გამოგქონდათ მაშინ? ისეთ საქმეებს აკეთებდით, ახლა რომ გრცხვენიათ მათ გამო; მათი ბოლო ხომ სიკვდილია.+ 22  ახლა კი, როცა ცოდვისგან გათავისუფლდით და ღვთის მონები გახდით, თქვენი ნაყოფი სიწმინდეა,+ რაც მარადიული სიცოცხლით დაგვირგვინდება,+ 23  რადგან ცოდვის საზღაური სიკვდილია,+ ხოლო ღვთისგან ბოძებული ძღვენი — მარადიული სიცოცხლე+ ჩვენი უფლის, ქრისტე იესოს მეშვეობით.+

სქოლიოები