მათეს სახარება 3:1—17
3 იმ დროს იუდეის უდაბნოში იოანე+ ნათლისმცემელმა+ დაიწყო ქადაგება:
2 „მოინანიეთ, რადგან მოახლოვდა ზეციერი სამეფო!“+
3 მასზეა ნათქვამი ესაია წინასწარმეტყველის+ სიტყვები: «უდაბნოში მღაღადებლის ხმა ისმის: „მოამზადეთ იეჰოვას* გზა, მოასწორეთ მისი სავალი!“»+
4 იოანეს აქლემის ბეწვის სამოსი ეცვა, წელზე ტყავის სარტყელი ერტყა+ და კალიებითა და ველური თაფლით იკვებებოდა.+
5 მასთან მიდიოდნენ იერუსალიმში, მთელ იუდეასა და იორდანის მიდამოებში მცხოვრებნი,+
6 საჯაროდ აღიარებდნენ ცოდვებს და ისიც ნათლავდა მათ მდინარე იორდანეში.+
7 იოანემ მისკენ მიმავალი მრავალი ფარისეველი და სადუკეველი+ რომ დაინახა, უთხრა: „გველგესლათა ნაშიერნო,+ ვინ გითხრათ, რომ თავს დააღწევთ მოსალოდნელ რისხვას?!+
8 გამოიღეთ მონანიების შესაფერისი ნაყოფი
9 და არ გაბედოთ იმის თქმა, ჩვენი მამა აბრაამიაო,+ რადგან გეუბნებით, ღმერთს ამ ქვებიდანაც შეუძლია აღუდგინოს აბრაამს შვილები.
10 ცულიც უკვე დევს ხის ძირას; ხეს, რომელიც კარგ ნაყოფს არ გამოიღებს, მოჭრიან და ცეცხლში ჩააგდებენ.+
11 მე წყლით გნათლავთ, რადგან მოინანიეთ,+ მაგრამ ჩემ შემდეგ მომავალი ჩემზე ძლიერია და მე იმის ღირსიც კი არ ვარ, რომ მას სანდლები გავხადო.+ ის წმინდა სულითა+ და ცეცხლით მოგნათლავთ.+
12 მას ხელში უჭირავს ფიწალი და მთლიანად გაწმენდს თავის კალოს; ხორბალს ბეღელში მოაგროვებს, ბზეს კი ჩაუქრობელ ცეცხლში დაწვავს“.+
13 მაშინ მივიდა იესო გალილეიდან იორდანის პირას, იოანეს რომ მოენათლა.+
14 იოანე შეეწინააღმდეგა: „შენ მე უნდა მნათლავდე და შენ ჩემთან მოდიხარ?!“
15 იესომ მიუგო: „ამჯერად ასე იყოს, რადგან ამგვარად გვმართებს ღვთის ნების შესრულება“. ამის შემდეგ იოანე აღარ შეწინააღმდეგებია.
16 როგორც კი მოინათლა იესო და წყლიდან ამოვიდა, აი, გაიხსნა ცა+ და იოანემ დაინახა, რომ ღვთის სული იესოზე მტრედის სახით ეშვებოდა.+
17 და აი, ხმაც გაისმა ციდან:+ „ეს არის ჩემი საყვარელი ძე,+ რომელიც მე მოვიწონე!“+
სქოლიოები
^ იხ. დანართი ა5.
