იობი 26:1—14

  • იობის პასუხი (1—14).

    • „გგონია, დაეხმარე ძალაგამოლეულს?!“ (1—4).

    • ღმერთმა „არაფერზე დაჰკიდა დედამიწა“ (7).

    • „ეს მხოლოდ მისი გზების კიდეებია“ (14).

26  იობმა მიუგო:   „გგონია, დაეხმარე ძალაგამოლეულს?! გგონია, დაიხსენი უძლური?!+   რა დიდებული რჩევა მიეცი სიბრძნეს მოკლებულს!+ როგორ გადმოაფრქვიე სიბრძნე!   ვის ელაპარაკებიან ვინ გალაპარაკებს?   მკვდრებიც კი, რომლებიც უძალონი არიან, კანკალებენ;წყლებიც და წყლის ბინადარნიც მათ ზემოთ არიან.   ღვთის წინაშე სამარე* გაშიშვლებულია+და განადგურების ადგილი დაფარული არაა.   სიცარიელეზე გადაჭიმა ზეცა+და არაფერზე დაჰკიდა დედამიწა.   თავის ღრუბლებში ისე ხვევს წყლებს,+რომ ღრუბლები არ სკდება.   ფარავს ის თავის ტახტს,ღრუბლით ფარავს მას.+ 10  წყალსა და ცას შორის ზღვარს ავლებს,+სინათლეს სიბნელისგან მიჯნავს. 11  ზანზარებენ ზეცის სვეტები,მისი შერისხვით თავზარდაცემულნი. 12  თავისი ძალით აღელვებს ზღვას+და თავისი გონიერებით ნაკუწებად აქცევს ზღვის დიდ ულმობელ ცხოველს*.+ 13  სულს უბერავს ზეცას და ასუფთავებს;საკუთარი ხელით კლავს სრიალა გველს. 14  ეს მხოლოდ მისი გზების კიდეებია,+მხოლოდ ჩურჩულით გვესმის მასზე! ვინ გაიგებს, როგორ წარმოქმნის იგი მგრგვინავ ქუხილს?!“+

სქოლიოები

ებრ. „შეოლ“. იხ. „სამარე“ („ბიბლიურ სიტყვათა განმარტებანი“).
სიტყვასიტყვით — „რახაბს“.