იერემია 30:1—24
-
დაპირება დაბრუნებასა და განკურნებაზე (1—24).
30 ეუწყა იეჰოვას სიტყვა იერემიას:
2 «აი, რას ამბობს იეჰოვა, ისრაელის ღმერთი: „ჩაწერე წიგნში ყველაფერი, რასაც გეუბნები.
3 დადგება დრო, — ამბობს იეჰოვა, — როცა ტყვეობიდან დავიხსნი ჩემს ხალხს, ისრაელსა და იუდას,+ და დავაბრუნებ იმ მიწაზე, რომელიც მათ მამა-პაპას მივეცი; ისინი კვლავ დაიმკვიდრებენ მას“, — ამბობს იეჰოვა».+
4 აი, რა უთხრა იეჰოვამ ისრაელსა და იუდას,
5 აი, რას ამბობს იეჰოვა:
„გავიგონეთ თავზარდაცემულთა შეძახილი,შიში მეფობს, არ არის მშვიდობა.
6 აბა იკითხეთ, თუ შობს მამაკაცი.
მაშ, რატომ უდევს ყოველ ვაჟკაცს მუცელზე ხელიმშობიარე ქალივით?!+
რატომ აქვს ყველას სახე გაფითრებული?!
7 ოჰ, რა საშინელია ეს დღე,+
არცერთ დღეს არ ჰგავს!გასაჭირი დაუდგა იაკობს,
მაგრამ მე დავიხსნი მას.
8 იმ დღეს, — ამბობს ლაშქართა ღმერთი იეჰოვა, — კისრიდან მოგხსნი უღელს და დავამტვრევ, დავწყვეტ აპეურებს და ვეღარ დაგიმონებენ უცხოტომელნი.
9 ჩემი ხალხი დაემორჩილება თავის ღმერთს, იეჰოვას, და თავის მეფეს, დავითს, რომელსაც მოვუვლენ.+
10 ნუ გეშინია, ჩემო მსახურო, იაკობ, — ამბობს იეჰოვა, —ნუ შეძრწუნდები, ისრაელო;+
შორეთიდან დაგიხსნი,ტყვეობის ქვეყნიდან დავიხსნი შენს შთამომავლებს.+
დაბრუნდება იაკობი, მოისვენებს და უშფოთველად იქნება,ვერავინ შეაშინებს მათ.+
11 შენთანა ვარ, — ამბობს იეჰოვა, — რომ დაგიხსნა;
შევმუსრავ იმ ხალხებს, რომელთა შორისაც გაგფანტე,+შენ კი არ შეგმუსრავ.+
სამართლიანად დაგსჯი,დაუსჯელს არ დაგტოვებ“.+
12 აი, რას ამბობს იეჰოვა:
„უკურნებელია შენი მოტეხილობა;+
არ იკურნება შენი ჭრილობა.
13 არავინ გესარჩლება,უკურნებელია შენი წყლული,
ვერ განიკურნები.
14 დაგივიწყეს ვნებიანმა საყვარლებმა,+
აღარ გეძებენ.ისე დაგკარი, როგორც მტერმა;
ისე დაგსაჯე, როგორც სასტიკთ სჯიან,+შენი მძიმე დანაშაულისა და მრავალი ცოდვის გამო.+
15 რატომ კვნესი შენი მოტეხილობის გამო?
არ დაგიამდება ტკივილი!
შენი მძიმე დანაშაულისა და მრავალი ცოდვის გამო+დაგმართე ეს.
16 შთაინთქმებიან შენი შთამნთქმელნი,+შენს მტრებს ტყვედ წაასხამენ.+
გაქურდავენ შენს გამქურდავთდა გაძარცვავენ შენს გამძარცველთ.+
17 შენ კი გამოგაჯანმრთელებ და მოგიშუშებ ჭრილობებს,+ — ამბობს იეჰოვა, —თუმცა გარიყულად გთვლიდნენ,
ამბობდნენ, სიონს მომკითხველი არავინ ჰყავსო“.+
18 აი, რას ამბობს იეჰოვა:
„ვკრებ დატყვევებულთ იაკობის კარვებიდან,+შევიწყალებ მის კარვებს.
აღდგება ქალაქი თავის გორაზე+და წამოიმართება გამაგრებული კოშკი თავის ადგილზე.
19 მათი სამადლობელი სიმღერისა და სიცილის ხმა გაისმება.+
გავამრავლებ და არ დაცოტავდებიან,+მრავალრიცხოვანს* გავხდიდა არ შემცირდებიან.+
20 მისი შთამომავლები ისევე იქნებიან, როგორც უწინ იყვნენ,ჩემ წინაშე განმტკიცდებიან ისინი.+
პასუხს ვაგებინებ ყველა მის მჩაგვრელს.+
21 მის ხალხს შორის გამოჩნდება მისი მთავარიდა მისი ხალხიდან გამოვა მისი მმართველი.
მოვუშვებ ჩემთან და ისიც მომიახლოვდება,
თორემ ისე ვინ გაბედავს ჩემთან მოახლოებას?! —ამბობს იეჰოვა. —
22 თქვენ ჩემი ხალხი იქნებით,+ მე კი თქვენი ღმერთი ვიქნები“.+
23 გამძვინვარდება იეჰოვას ქარიშხალი,+ქარბორბალასავით დატრიალდება ბოროტთა თავზე.
24 არ დაცხრება იეჰოვას რისხვა,ვიდრე არ შეასრულებს და არ აღასრულებს იმას, რაც განზრახული აქვს.+
უკანასკნელ დღეებში გაიგებთ ამას.+
სქოლიოები
^ ან შესაძლოა: „პატივდებულს“.