ესაია 57:1—21
57 იღუპება მართალი,მაგრამ ეს გულთან არავის მიაქვს.
წაყვანილნი არიან* ერთგულები,+და ვერავინ ხვდება, რომ უბედურების გამო*არიან წაყვანილნი მართალნი.
2 ის მშვიდობას პოვებს;
სარეცელზე* განისვენებენ სწორის მოქმედნი.
3 «თქვენ კი ახლოს მოდით,გრძნეული ქალის ვაჟებო,მრუშისა და მეძავის შვილებო!
4 ვის დასცინით?!
ვის წინააღმდეგ აღებთ ფართოდ პირს და ვის უყოფთ ენას?!
განა ცოდვის შვილები არა ხართ,სიცრუის შვილები,+
5 ვნება რომ აგშლიათ დიდ ხეებს შორის,+ყოველი ფოთოლხშირი ხის ქვეშ,+და შვილებს ხოცავთ ხევებში,+კლდეთა ნაპრალებში?!
6 ხევის სიპ ქვებთან გაქვს წილი,+
ეს არის შენი ხვედრი.
მათვე უღვრი დასაღვრელ შესაწირავს და მათთვის მიგაქვს ძღვენი.+
განა კმაყოფილი ვიქნები ყოველივე ამით?!
7 დიდ და მაღალ მთაზე დაიდგი საწოლი+და იქ ადიოდი მსხვერპლის შესაწირავად.+
8 კარისა და წირთხლის უკან დადგი შენი სამახსოვრო ნიშანი*.
მიმატოვე და გაშიშვლდი;ზემოთ ახვედი და გაიფართოვე საწოლი.
შეთანხმება დაუდე მათ,
მათი საწოლი შეიყვარე+და მამაკაცის ასოს შეჰყურებდი*.
9 მელექთან* ჩადიოდი ზეთითდა უხვი ნელსაცხებლებით.
შორს აგზავნიდი შენს დესპანებს,ამიტომაც სამარემდე* დაეშვი.
10 ირჯებოდი შენს მრავალ გზაზე,მაგრამ არ გითქვამს, აზრი არა აქვსო!
შენ კვლავაც განიახლე ძალა,
ამიტომაც არ დაქანცულხარ.
11 ვინ შეგაშინა და ვინ შეგაძრწუნა,ტყუილების თქმა რომ დაიწყე?+
არ გახსოვდი+
და გულთან არაფერს იკარებდი.+
რაკი ვდუმდი და შენს საქმეებს ვმალავდი,+
არ გეშინოდა ჩემი.
12 სააშკარაოზე გამოვიტან შენს „სიმართლეს“+ და შენს საქმეებს,+და ვერაფერს გარგებენ ისინი.+
13 შველას შესთხოვ,მაგრამ ვერ გიშველიან ნაგროვები კერპები.+
ქარი გახვეტს მათ, ნიავიც კი წაიღებს,მაგრამ ვინც მე შემაფარებს თავს, დაიმკვიდრებს ამ მიწასდა ჩემს წმინდა მთას დაეუფლება.+
14 იტყვიან: „გზა გაიყვანეთ, გზა გაიყვანეთ! მოამზადეთ გზა!+
ჩამოაცილეთ ყველანაირი დაბრკოლება ჩემს ხალხს გზიდან!“»
15 აი, რას ამბობს ამაღლებული და აღმატებული,რომელიც მარადიულად ცოცხლობს+ და რომლის სახელიც წმინდაა:+
„მაღალ და წმინდა ადგილას ვმკვიდრობ,+მაგრამ ჩაგრულებთან და თავმდაბლებთანაც ვარ,
რომ გამოვაცოცხლო თავმდაბალთა სულებიდა ჩაგრულთა გულები.+
16 მარადიულად არ დავდებ ბრალს,არც სამუდამოდ ვიქნები განრისხებული,+რადგან ჩემ გამო დაუძლურდება ადამიანის სული,+დაუძლურდება ჩემი შექმნილი ყოველი სულდგმული.
17 განმარისხა მისმა ცოდვამ, უკანონო შემოსავალს რომ იყო დახარბებული,+ამიტომაც დავსაჯე ის, განვურისხდი და პირი მოვარიდე;
მაგრამ ის კვლავ განდგომილივით+ თავისი გულის კარნახით დადიოდა.
18 მე დავინახე მისი გზები,მაგრამ განვკურნავ+ და წავუძღვები,+ვანუგეშებ მას+ და მის მგლოვიარეებს.+
19 ავამეტყველებ მათ ჩემ საქებრად.
ულევ მშვიდობას მივცემ შორს მყოფსაც და ახლო მყოფსაც;+
მე განვკურნავ მას, — ამბობს იეჰოვა. —
20 ბოროტები აღელვებულ ზღვასავით არიან, რომელიც ვერ წყნარდებადა რომლის ზვირთებიც წყალმცენარეებსა და ტალახს ისვრის.
21 არ არის მშვიდობა ბოროტთათვის“,+ — ამბობს ჩემი ღმერთი.
