ესაია 25:1—12
25 იეჰოვა, შენ ხარ ჩემი ღმერთი.
გადიდებ, ხოტბას ვასხამ შენს სახელს,რადგან საოცრებებს ახდენ;+შენი განზრახვები ოდითგანვე+საიმედო+ და სანდოა.
2 ქვების გროვად აქციე ქალაქი,ნანგრევებად — გამაგრებული ქალაქი;
აღარ არსებობს უცხოტომელთა კოშკი,აღარასდროს აშენდება ქალაქი.
3 ამიტომ ძლიერი ხალხი განგადიდებს,შენი შიში შეიპყრობს ულმობელი ერების ქალაქს.+
4 შენ გახდი საწყლისთვის ციხესიმაგრე,ციხესიმაგრე ღარიბისთვის გასაჭირის დროს,+
თავშესაფარი ქარიშხალში,ჩრდილი სიცხეში.+ქარიშხალივით ასკდება კედელს მტარვალთა რისხვა,
5 სიცხესავითაა გადახრუკულ მიწაზე;შენ ახშობ უცხოტომელთა ხმაურს.
როგორც მცხუნვარება იხშობა ღრუბლის ჩრდილით,ისე იხშობა მტარვალთა სიმღერა.
6 ლაშქართა ღმერთი იეჰოვა ამ მთაზე+ ყველა ხალხსგაუმართავს ნადიმს ნაირ-ნაირი კერძებით,+ნადიმს თხლედალექილი ღვინით,ძვლისტვინიანი ნაირ-ნაირი კერძებით,საუკეთესო, დაწმენდილი, ღვინით.
7 ამ მთაზე გააქრობს იგი სუდარას, ყველა ხალხს რომ ფარავს,და ქსოვილს, ყველა ერს რომ აფარია.
8 სამუდამოდ შთანთქავს სიკვდილს+და ყველას მოსწმენდს ცრემლს სახიდან უზენაესი უფალი იეჰოვა.+
ჩამორეცხავს თავის ხალხს სირცხვილს მთელ დედამიწაზე,რადგან იეჰოვამ თქვა ეს.
9 იმ დღეს იტყვიან:
„აი, ეს არის ჩვენი ღმერთი!+
მასზე ვამყარებთ იმედს+და ის გვიხსნის.+
ეს არის იეჰოვა!
მასზე ვამყარებთ იმედს;
ვიხაროთ და ვიმხიარულოთ, რადგან ის არის მხსნელი“.+
10 იეჰოვას ხელი დაესვენება ამ მთაზე;+მოაბი ისე გაითელება თავის ადგილზე,+როგორც ნამჯა ნაკელში.
11 ისე მოუსვამს მას ხელს,როგორც მოცურავე უსვამს ცურვისას,და მარჯვედ მოქნეული ხელითდაამცირებს მის ამპარტავნობას.+
12 დასცემს გამაგრებულ ქალაქსმის მაღალ გალავანთან ერთად;
მიწასთან გაასწორებს და გააცამტვერებს.
