ესაია 1:1—31
1 ესაიას*,+ ამოცის ძის, ხილვა, რომელიც იუდასა და იერუსალიმის შესახებ იხილა იუდას მეფეების,+ უზიას,+ იოთამის,+ ახაზისა+ და ხიზკიას+ დროს:
2 ისმინე, ზეცავ, და ყური უგდე, დედამიწავ,+იეჰოვა ლაპარაკობს:
„ძეები აღვზარდე,+ისინი კი ამიმხედრდნენ.+
3 ხარი თავის მყიდველს ცნობსდა ვირი — თავისი პატრონის ბაგას,ისრაელი კი არ მიცნობს,+შეუგნებლად იქცევა ჩემი ხალხი“.
4 ვაი, ცოდვილ ერს,+დანაშაულით დამძიმებულ ხალხს,ბოროტმოქმედთა შთამომავლობას, გარყვნილ ძეებს!
უორგულეს იეჰოვას,+უპატივცემულოდ მოექცნენ ისრაელის წმინდას,ზურგი აქციეს მას.
5 უარესად რომ მეურჩებით, სადღა დაგარტყათ?!+
თავი იარებით გაქვთ დაფარული,გული კი — დასნეულებული.+
6 თხემით ტერფამდე საღი ადგილი აღარ შეგრჩათ;
თქვენი ჭრილობები, დაჟეჟილობა და იარებიარავის დაუმუშავებია, არც შეუხვევია და არც ზეთით დაურბილებია.+
7 თქვენი ქვეყანა გაპარტახებულია,
თქვენი ქალაქები კი — ცეცხლით გადამწვარი;
თქვენს მიწაზე მოწეულს უცხოტომელები ჭამენ თქვენ თვალწინ,+
უცხოტომელთა მიერ აოხრებულს დაემსგავსა თქვენი მიწა.+
8 სიონის ასული ვენახში მიტოვებულ საჩრდილობელს,კიტრის ბაღჩაში ჩადგმულ ქოხსა
და ალყაშემორტყმულ ქალაქს დაემსგავსა.+
9 ლაშქართა ღმერთ იეჰოვას ცოცხალი რომ არ დაეტოვებინა ზოგიერთი ჩვენგანი,სოდომივით ვიქნებოდითდა გომორას დავემსგავსებოდით.+
10 ისმინეთ იეჰოვას სიტყვა, სოდომის ულმობელო მმართველებო!+
ყური დაუგდეთ ჩვენი ღვთის კანონს, გომორელებო!+
11 „რას მარგებს თქვენი დიდძალი შესაწირავი?+ — ამბობს იეჰოვა. —
ყელში ამომივიდა დასაწვავ მსხვერპლად შეწირული ვერძები+ და ნასუქი პირუტყვის ქონი;+არ მსიამოვნებს თქვენი მოზვრების,+
თოხლებისა და თხების+ სისხლი.+
12 ჩემ წინაშე რომ მოდიხართ,+ვინ დაგავალათ ჩემი ეზოების თელვა?!+
13 ნუღარ მომიტანთ მაგ უსარგებლო მარცვლეულ შესაწირავს.
თქვენი საკმეველი საძულველია ჩემთვის.+
თქვენ იცავთ ახალმთვარობებსა+ და შაბათებს,+ მართავთ შეკრებებს,+მაგრამ ვერ ვიტან თქვენს ჯადოქრობას+თქვენი საზეიმო შეკრების დროს.
14 შემძულდა თქვენი ახალმთვარობები და დღესასწაულები,
ტვირთად დამაწვა;დავიღალე მათი ზიდვით.
15 ხელებს რომ აღაპყრობთ,თვალს გარიდებთ.+
ბევრს კი ლოცულობთ,+მაგრამ არ გისმენთ;+
მრავალთა სისხლში გაქვთ გასვრილი ხელი.+
16 განიბანეთ, განიწმინდეთ,+ნუღარ აკეთებთ ცუდს ჩემ თვალწინ,ზურგი აქციეთ ბოროტებას!+
17 ისწავლეთ კარგის კეთება, ეძებეთ სამართალი,+შეაგონეთ მჩაგვრელი,გამოესარჩლეთ ობოლს,
სამართალი გაუჩინეთ ქვრივს.+
18 მოდით და მოვაგვაროთ საქმეები, — ამბობს იეჰოვა.+ —
ალისფერიც რომ იყოს თქვენი ცოდვები,თოვლივით გათეთრდება;+შინდისფერი ქსოვილივითაც რომ იყოს,მატყლს დაემსგავსება.
19 თუ მოინდომებთ და მომისმენთ,მიწის დოვლათს შეჭამთ,+
20 მაგრამ, თუ არ მომისმენთ და მეურჩებით,მახვილი გშთანთქავთ;+
იეჰოვას ბაგე ამბობს ამას“.
21 ო, როგორ გამეძავებულა+ ერთგული ქალაქი!+
სამართლიანობა ყვაოდა+და სიმართლე მკვიდრობდა იქ,+
ახლა კი კაცისმკვლელებმა დაიდეს ბინა.+
22 შენი ვერცხლი ხენჯად იქცა+და შენი ლუდი გაწყალდა;
23 შენი მთავრები ჯიუტები და ქურდთა თანამზრახველნი არიან,+
ყოველი მათგანი ქრთამის მოყვარულია და ძღვენსაა დახარბებული.+
ობოლს სამართალს არ უჩენენდა ქვრივის საქმეს ხელს არ ჰკიდებენ.+
24 ამიტომ ჭეშმარიტი უფალი, ლაშქართა ღმერთი იეჰოვა,ისრაელის ძლიერი აცხადებს:
„აი, თავიდან მოვიშორებ მოწინააღმდეგეებსდა შურს ვიძიებ ჩემს მტრებზე.+
25 ხელს მოგიღერებდა ნაცარტუტით მოგაცილებ ხენჯს,
მოგაშორებ ყველა მინარევს.+
26 ისეთივე მოსამართლეებს დაგინიშნავ, ძველად რომ გყავდნენ,ისეთივე მრჩევლებს — თავიდან რომ გყავდნენ.+
ამის შემდეგ „სიმართლის ქალაქი“, „ერთგული ქალაქი“, დაგერქმევა.+
27 სამართლიანობით იქნება გამოსყიდული სიონი+და სიმართლით — იქ დაბრუნებული ხალხი.
28 ურჩები და ცოდვილები ერთდროულად დაეცემიან+და იეჰოვას მიმტოვებლებს ბოლო მოეღებათ.+
29 შეგრცხვებათ იმ დიდი ხეების გამო, რომელსაც ელტვოდით,+და შერცხვებით თქვენ მიერ არჩეული ბაღების* გამო.+
30 დიდ ფოთოლდამჭკნარ ხეს+და მოურწყავ ბაღს დაემსგავსებით.
31 ძლიერი ძენძად იქცევა,მისი საქმე კი — ნაპერწკლად;ორივე ერთად აბრიალდება
და არავინ იქნება ჩამქრობი!“
