ებრაელების მიმართ 3:1—19

  • იესო მოსეზე დიდია (1—6).

    • ყველაფრის ამშენებელი ღმერთია (4).

  • „ურწმუნოებამ არ გაიდგას ფესვი თქვენს გულში“ (7—19).

    • „დღეს, თუ ჩემს ხმას მოისმენთ...“ (7, 15).

3  მაშ, წმინდა ძმებო, თქვენ, ვისაც ზეციური მოწოდება გაქვთ,+ დაფიქრდით იესოზე, მოციქულსა და მღვდელმთავარზე, რომლისაც გვწამს.+  მოსეს მსგავსად, რომელსაც ღვთის სახლი* ებარა,+ ისიც მისი ერთგული იყო, ვინც მოციქულად და მღვდელმთავრად დანიშნა.+  თანაც ის* მოსესთან შედარებით მეტი დიდების ღირსად ჩაითვალა,+ რადგან სახლის ამშენებელი თავის აშენებულ სახლზე მეტი პატივის ღირსია.  ყველა სახლი ვიღაცის აშენებულია, ყველაფრის ამშენებელი კი ღმერთია.  მოსე ერთგული მსახური იყო ღვთის სახლში და მისი მსახურება იმაზე მოწმობდა, რაც მოგვიანებით უნდა გაცხადებულიყო,  ქრისტე კი, ღვთის ძე,+ ერთგულად პატრონობდა მამის სახლს. ჩვენ ღვთის სახლი+ ვართ, ოღონდ ბოლომდე გაბედულად უნდა ვილაპარაკოთ და არ დავკარგოთ იმედი, რომლითაც ვამაყობთ.  ამიტომაც ამბობს წმინდა სული:+ „დღეს, თუ ჩემს ხმას მოისმენთ,  ნუ გაჯიუტდებით როგორც უდაბნოში, როცა გამომცადეთ და განმარისხეთ;+  იქ გამომცადა თქვენმა მამა-პაპამ, თუმცა 40 წელი ხედავდნენ ჩემს საქმეებს.+ 10  ამიტომაც შემძულდა ეს თაობა და ვთქვი, თავნება ხალხია, საკუთარ გულისთქმებს აყოლილი, და არ შეუცნიათ-მეთქი ჩემი გზები. 11  განვრისხდი და დავიფიცე, ვერ დაიმკვიდრებენ-მეთქი მოსასვენებელ ადგილს*“.+ 12  გაფრთხილდით, ძმებო, რომ არ ჩამოშორდეთ ცოცხალ ღმერთს და შედეგად ბოროტებამ და ურწმუნოებამ არ გაიდგას ფესვი თქვენს გულში.+ 13  ყოველდღე გაამხნევეთ ერთმანეთი, სანამ ჯერ კიდევ შეიძლება ამ დროზე ითქვას „დღეს“,+ რათა რომელიმე თქვენგანი ცოდვის მაცდუნებელმა ძალამ არ გაგაჯიუტოთ. 14  ვინაიდან ქრისტეს მოზიარენი მხოლოდ იმ შემთხვევაში გავხდებით, თუ ბოლომდე მტკიცე რწმენა გვექნება იმისა, რაც დასაწყისში ვირწმუნეთ,+ 15  როგორც დაწერილია: „დღეს, თუ ჩემს ხმას მოისმენთ, ნუ გაჯიუტდებით როგორც მაშინ, როცა განმარისხეთ“.+ 16  ვინ იყვნენ ისინი, ვინც მოისმინეს, მაგრამ მაინც განარისხეს ღმერთი? განა ისინი არა, ვინც მოსემ ეგვიპტიდან გამოიყვანა?!+ 17  ვინ ჰყავდა მოძულებული ღმერთს 40 წელი?+ განა ისინი არა, ვინც შესცოდეს და ვისი გვამებიც უდაბნოში დაიყარა?!+ 18  ვისზე დაიფიცა, რომ ვერ დაიმკვიდრებდნენ მოსასვენებელ ადგილს? განა ეს ურჩებზე არ თქვა?! 19  ვხედავთ, რომ მათ ურწმუნოების გამო ვერ დაიმკვიდრეს მოსასვენებელი ადგილი.+

სქოლიოები

იგულისხმება ღვთის კრებული.
იგულისხმება იესო.
დედნისეულ ტექსტში გამოყენებული ფრაზა „დასვენებაში შესვლა“ ამ თავში „მოსასვენებელი ადგილის დამკვიდრებადაა“ ნათარგმნი.