ამოსი 9:1—15
9 ვიხილე იეჰოვა+ სამსხვერპლოს თავზე გაჩერებული. მან თქვა: „დაჰკარი ბუღაურს და შეირყევა ზღურბლები, წაჰკვეთე სვეტებს თავები. დარჩენილ ხალხს მახვილით დავხოცავ. გაქცეული თავს ვერ უშველის, ვერავინ გადაირჩენს თავს.+
2 სამარეშიც* რომ ჩაძვრნენ,იქიდანაც ამოვიყვან მათ ჩემი ხელით,ზეცაშიც რომ ავიდნენ,
იქიდანაც ჩამოვიყვან.
3 ქარმელის მწვერვალზეც რომ დაიმალონ,იქაც მოვძებნი და ჩამოვიყვან,+
ზღვის ფსკერზეც რომ დაემალონ ჩემს თვალს,ვუბრძანებ გველს და იქ დაკბენს მათ.
4 ტყვეობაშიც რომ წაასხან მტრებმა,ვუბრძანებ მახვილს და იქ დახოცავს მათ;+თვალს დავიჭერ მათზე მათდა საუბედუროდ და არა სასიკეთოდ.+
5 უზენაესი უფალი, ლაშქართა ღმერთი იეჰოვა, ეხება დედამიწას და დნება იგი;+იგლოვებს ყველა მისი მკვიდრი,+მთლიანად ადიდდება ნილოსივითდა დაშოშმინდება ეგვიპტის ნილოსივით.+
6 ის თავისთვის აგებს საფეხურებს ზეცაშიდა თაღს ჭიმავს დედამიწის თავზე,უხმობს ზღვის წყლებს, რათა გადმოღვაროს მიწის პირზე+ —იეჰოვაა მისი სახელი.+
7 განა ქუშელებივით არა ხართ ჩემთვის, ისრაელებო?! — ამბობს იეჰოვა. —
განა მე არ გამოვიყვანე ისრაელი ეგვიპტიდან,+ფილისტიმელები — კრეტიდან+ და სირია — კირიდან?!+
8 უზენაესი უფლის, იეჰოვას, თვალები დაჰყურებს ცოდვილ სამეფოსდა აღგვის მას მიწის პირიდან.+
მაგრამ ბოლომდე არ მოვსპობ იაკობის შთამომავლებს,+ — ამბობს იეჰოვა. —
9 აი, ვბრძანებდა გავაბნევ* ისრაელის შთამომავლებს ყველა ხალხში,+როგორც საცერს არხევენ ხოლმე და კენჭიც არ ვარდება მიწაზე.
10 მახვილით დაიხოცება ყველა ცოდვილი ჩემს ხალხში,რომლებიც ამბობენ, არ მოგვეკარება და არ გვეწევაო უბედურება.
11 იმ დღეს აღვმართავ დავითის დაცემულ კარავს,+ამოვავსებ ბზარებს,აღვადგენ მის ნანგრევებსდა ისეთს ავაშენებ, როგორიც ძველად იყო,+
12 რათა დაეპატრონონ ედომიდან გადარჩენილთ,+და ყველა ერს, ჩემი სახელით წოდებულს, — ამბობს იეჰოვა, რომელიც ამას იქმს.
13 დადგება დრო, — ამბობს იეჰოვა, —როცა მხვნელი თავს წამოადგება მომკელს,ყურძნის მწურავი კი — მთესველს;+ახალი ღვინო მთებიდან ჩამოწვეთავს+და გორებიდან იდინებს.+
14 ტყვეობიდან დავაბრუნებ ჩემს ხალხს, ისრაელს,+ისინი აღადგენენ გაპარტახებულ ქალაქებს და დასახლდებიან იქ,+ჩაყრიან ვაზს და მის ღვინოს დალევენ,+გააშენებენ ბაღებს და მათ ნაყოფს შეჭამენ.+
15 დავრგავ მათ მათივე მიწაზედა მეტად აღარ ამოიძირკვებიან მიწიდან,რომელიც მათ მივეცი,+ — ამბობს იეჰოვა, შენი ღმერთი“.
