Hanenty ty anatiny ao

Ho amy fizarà anatiny any

Vavolombelo Jehovah

Vezo

Fa Misy amy Safà 300 Mahery Henanizao ty jw.org!

Fa Misy amy Safà 300 Mahery Henanizao ty jw.org!

Laha manenty lista amy pejy toy eto iha, le hahita safà 300 mahery. Tsy ho hitanao amy tranonkala hafa raha zay.

Manao akory laha ampitovizy amy tranonkala malaza hafa isaky io? Tamy Jolay 2013, le nisy tamy safà eny ty tranonkala ty Firenena Mikamba. Le ty ahy Eoropa, tranonkala ty Vondrona Eoropeana misy amy safà 24, ty Google amy safà 71, ty Wikipedia amy safà 287.

Mitaky fotoa ty fandikà tranonkala raiky ho amy safà 300. Misy Vavolombelo Jehovah an-jatony ta hidera any Jehovah amy tany toy iaby. Rozy ro manao asa zay. Fa misy ekipa voalamy soa amy ty fivolana kiraidraiky, ka samby mampiasa ty fahaizany rozy mba handikà lahatsoratsy amy safà anglisy ho amy fivolanan-drozy.

Misy pejy maro nadika amy safà 300 mahery amy jw.org atoa. Mahatratsy 200 000 mahery ty isa ty pejy amy tranonkala toy atoa.

Tsy hoe misy amy fivolana maro avao ty jw.org, fa teanolo maro koa. Ahità raha zay ty fandiniha natao Alexa, mpandiniky ty fampiasà Internet amy tany toy iaby. Misy tranonkala 87 000 eo ho eo ty amy pejy hoe “Religion and Spirituality” (“Fivavaha noho Finoa”) amy Internet ao. Ohatsy amy zay ty tranonkala ty fivavaha bevata noho ty fikambana mampiboaky boky ara-pivavaha voho ty fikambana hafa. Nitanjaky pilasy faharoe ty jw.org, tamy Jolay 2013. Tranonkala raiky andoava drala zay ty voalohany, satria aminy ao avao ro ahafaha manenty Baiboly amy fandikan-teny sankarazany.

Tamy Oktobra 2013, le nisy 890 000 mahery sanandro ty olo nitsidiky ty jw.org. Hataonay ze hahafaha ty olo iaby hanenty fanazavà mahasoa baka amy Baiboly ao.