Hanenty ty anatiny ao

Vavolombelo Jehovah

Hifily safà Vezo

“Raha Vita Miavaky a Estonia Any”

“Raha Vita Miavaky a Estonia Any”

Voafily ho anatini-raha vita miavaky tamy tao 2014, ta Estonia any ty Baiboly Ny Soratra Masina—Fandikan-tenin’ny Tontolo Vaovao. Nahazo ty pilasy fahatelo ie tamy ty 18 voafily.

Finilini-Kristiina Ross, manam-pahaiza mikasiky ty safà, amy Fikambanani-Safà Estonianina, azy Baiboly vaovao naboaky tamy 8 Oòh 2014 io. Nivola ie fa “mora vakỳ sady mahateatea” ty Soratra Masina—Fandikan-tenin’ny Tontolo Vaovao. Hoy koa ie: “Tena mampandroso ty resaky fandikan-teny amy safà estonianina ty ezaky natao mba hampiboaha ani-raha io.” Nivola koa Rein Veidemann, mpampianatsy mikasiky ty haisoratsy noho kolontsay estonianina hoe “raha vita miavaky” Baiboly vaovao iny.

Tamy tao 1739 ro niboaky voalohany ty Baiboly feno tamy safà estonianina. Mbo nisy fandikan-teny maro naboaky tafarani-zay. Fe manino ty Fandikan-tenin’ny Tontolo Vaovao ro “raha vita miavaky”?

Marina: Maro mpampiasa ty Baiboly estonianina raiky naboaky tamy 1988. Mimpolimpoly im-6 800 mahery amy Soratsy Hebreo (Testamenta Taloha) amy Baiboly io ao ty anara-Ndranahary hoe “Jehoova.” (Jehovah)  * Mbo zay avao koa ty amy Fandikan-tenin’ny Tontolo Vaovao ao. Fe ampiasanay koa anara-Ndranahary io amy Soratsy Grika Kristiana (Testamenta Vaovao) ao, lafa misy antony mazava hanaova ani-raha zay.

Mazava: Sady marina soa va ty Fandikan-tenin’ny Tontolo Vaovao ro mora vakỳ? Nivola Toomas Paul, mpandika Baiboly hajàn’olo, tamy gazety Eesti Kirik (Eglizini-Estonia) hoe ‘tratsini-Fandikan-tenin’ny Tontolo Vaovao ty raha kendrè hoe adika amy safà estonianina mazava soa raha io.’ Hoy koa ty asany: “Sakiko ty mivola hoe zay vo tena tratsy raha kendrè zay.”

Mpanatriky fivoriambe mamaky Baiboly Fandikan-tenin’ny Tontolo Vaovao vo naboaky amy safà estonianina

Tena faly ty Estonianina fa nahazo ty Fandikan-tenin’ny Tontolo Vaovao. Nanao fandahara naharitsy 40 minity ty radiom-pirenena raiky, mba hiresaha mikasiky ani-Baiboly vaovao io. Samby nangataky ani-Baiboly io tamy Vavolombeloni-Jehovah iaby, ndre ty mpitariky fivavaha ndre ty mpivavaky ao. Nangataky 20 tamy Fandikan-tenin’ny Tontolo Vaovao koa ty lakilasy malaza raiky a Tallinn ao, mba hampiasany amy ty raiky amy raha ianarany an-dakilasy ao. Tea mamaky boky ty Estonianina, ka mahafaly ty Vavolombeloni-Jehovah ty mampiboaky boky farany ze soa, ahità fandikan-teny marina noho mazava soa.

^ feh. 5 Mpandaliky ty mikasiky Testamenta Vaovao ty profesora Ain Riistan, mpampianatsy amy Oniversiteni-Tartu. Nitantara ty nahavy ty Estonianina hanono ty anara-Ndranahary hoe “Jehoova” ie. Nitamperiny ho zao ty resakiny: “Hitako hoe mety soa laha Jehoova ro ampiasà henanizao. Ndre eo ty hoe manao akory ty niaviany, le ... tena vatan-draha anara io sady mana ty hevitsiny laliky tamy ty taranaky maro nifandimby. Jehoova ro anarani-azy Ndranahary nandefa ty Anakiny hamonjy ty olombelo iny.”