Hanenty ty anatiny ao

Ho amy fizarà anatiny any

Vavolombelo Jehovah

Vezo

Fampizelà Baiboly Niavaky ta Fransy Any

Fampizelà Baiboly Niavaky ta Fransy Any

Natao ta Rouen amy faritsy avaratsy Fransy any ty Foara Iharoam-pirenena 2014. Olo an’arivony ro niavy tao tamin’io. Nisy standy soasoa zay ty tao, hita tao foto-kevitsy toy hoe: “Ty Baiboly: Taloha noho Henanizao voho amy Hoavy.”

Nisy ecran plat nalefa amonto amy standy iny teo. Video mikasiky Baiboly sora-tana taloha tany ro nalefa teo sady nahakinto ty mpitsidiky raha zay. Lafa nilitsy tanaty standy iny tao rozy, le nahazo fanazavà mikasiky ty torohevitsy amy Baiboly, noho ty porofo ahità fa marina ara-tantara ty Baiboly sady ie koa ro boky tena miparitaky.

Naseho tamy fampizelà iny tao hoe fa nisy liany nainay ty Baiboly. Hita tao koa fa olo an’arivony tapitrisa henanizao ro afaky mamaky Baiboly, ndre natao pirinty tamy taratasy io, ndre amy poziny elektroniky sady sankarazany. Nahazo Baiboly Fandikan-tenin’ny Tontolo Vaovao kiraidraiky ze olo nitsidiky tao. Amy safà 120 mahery ro anaboaha ty Vavolombelo Jehovah any fandikan-teniny Baiboly io.

Maro tamin’olo nitsidiky rey ro nankasitraky ty ezaky atao ty Vavolombelo mba hahavy ty ankamaroan’olo hahazo Baiboly. Miasa amy fanampea tanora ampela raiky zay, le nanenty any fampizelà io niaraky tamy tanora maromaro ie. Hoy ty asany: “Raiky amy lova iharoantsika ty Baiboly. Misy heriny amy fiainan’olo raha io. Mahita hiboaha amy ty fahasahirana mahazo ahy aho saky mamaky Baiboly.”

Tseriky njarahy raiky 60 tao zay lafa nahay hoe afaky mahazo Baiboly raiky amy zao avao ie: Hoy ie: “Tokony hampolintsika vakỳ iaby ty raha amy Baiboly toy satria tena ilàntsika!”