Hanenty ty anatiny ao

Ho amy fizarà anatiny any

Vavolombelo Jehovah

Vezo

Manasa Anao Hitsidiky Betela a Etazonia Any Zahay

Manasa Anao Hitsidiky Betela a Etazonia Any Zahay

“Sovenira soa nitsidiky Betela iny, sady tsy hohalinonay mihintsy.” Zay ty nivolany mpivaly raiky baka amy nosy Vanuatu any, lafa baka nitsidiky Betelany Vavolombelo Jehovah ta Etazonia any rozy. Olo 70 000 mahery ro mitsidiky any santao sady mbo ho zay avao koa ty tsapan-drozy.

Fa nitsidiky Betela ta Etazonia any va iha? Laha mbo tsy tany iha, le mampirisiky anao zahay mba ho any.

Ino ty ho hitanao amy Betela telo any reo?

Foibe a Brooklyn, a New York any: Hisy olo hitariky anao ao. Ho hainao amy fitsidiha iny hoe manao akory ty andamìna noho hampandehana soa ty fitoria vaovao soa iny amy tany toy iaby. Afaky manenty fampizelà roe koa iha, sady tsy mila mpitariky io. Ho zao ty raiky amy raha reo “Vahoaky Manday ty Anara Jehovah.” Atoro ao ty tantara ty vahoaky Jehovah tamy taonjato voalohany zisiky henanizao. Ty raiky koa manday ty lohateny hoe “Ty Baiboly noho ty Anara Ndranahary.” Atoro ao ty fandikan-teniny Baiboly sankarazany misy ty anara Ndranahary.

Sekoly ara-baiboly a Patterson, a New York any: Ho hainao ty mikasiky sekoly atao any rey, ohatsy hoe ty Sekoly Ara-baiboliny Gileada noho ty Sekoliny Komitiny Sampana noho ty Valiny. Hahita fampizelà noho ty asa atao amy sampan’asa any reo koa iha, ohatsy hoe Sampan-draharahany Fanaova Sary, Sampan’asany Feo noho Video, Sampan-draharaha Mikasiky Lalàna, voho ty Sampan-draharahany Fanompoa.

Fanaova pirinty noho fandefasa enta a Wallkill, a New York any: Ho hitanao any hoe manao akory ty fanaova pirinty Baiboly noho boky ara-baiboly, le manao akory ty amitiha noho andefasa an-drozy amy fiangona erany Etazonia, Karaiba, voho an-tany hafa any.

Maharitsy firy lera ty fitsidiha?

Maharitsy lera raiky eo ho eo ty a Brooklyn any, lera roe eo ho eo ty a Patterson any, le lera raiky noho tampany eo ho eo ty a Wallkill any.

Ia ty olo hitariky amy fitsidiha io?

Ty olo miasa amy sampan-draharaha sankarazany amy Betela ao avao ro mitariky ty olo mpitsidiky. Rambesin-drozy ho anjaran-drozy amy fampandrosoa ty asa fampianara amy tany toy iaby raha zay. Olo 5 000 mahery ro niasa tamy Betela telo reo ao, tamy Mey 2014. Nampiofany mba hitariky mpitsidiky ty 3 600 mahery tamin-drozy. Safà 40 eo ho eo ro azo anaova fitsidiha io.

Mandoa drala fitsidiha io?

Tsy mandoa.

Vavolombelo Jehovah avao va ro afaky mitsidiky?

Aha tsy zay. Maro amy mpitsidiky reo ro tsy Vavolombelo. Samby mahazo tombony iaby ndre ty vavolombelo ndre ty tsy vavolombelo lafa mahay ty ezaky atao mba hampandrosoa noho handamìna ty fitoria amy tany toy iaby.

Nitsidiky Betela ta Patterson any ampela silamo raiky baka an’Inde any zay, le hoy ty asany lafa vita fitsidiha iny: “Teako laha mba miasa ato aho. Misaotsy bevata anareo nandramby ahy soa.”

Afaky mandeha koa va ty ajà?

Mahazo mandeha! Mety hisy vokatsiny bevata amin’ajà fitsidiha io. Hoy John baka Etazonia any, lafa baka nitsidiky Betela rozy: “Fitsidiha iny avao nataon’ajà reo resaky lafa noly zahay. Tsy azon-drozy an’eritseritsy bakany zay hoe manao akory miasa amy Betela ao zao. Fe manjary ta hiasa ao rozy henanizao.”

Azo tsidihy koa va ty Betelany Vavolombelo Jehovah an-tany hafa any?

Eka. Misy Betela azo tsidihy amy tany maro any. Henteo ty hoe Fanazavà Mikasiky ty Birò noho ty Fitsidiha amy jw.org ato, laha teanao ho hita ty pilasy misy Betela rey. Manasa anao lahy zahay mba hitsidiky ty raiky amy biròny sampana ahy ty Vavolombelo Jehovah.