Hanenty ty anatiny ao

Ho amy fizarà anatiny any

Vavolombelo Jehovah

Vezo

Kristiana va ty Vavolombelo Jehovah?

Kristiana va ty Vavolombelo Jehovah?

Eka. Kristiana zahay satria:

  • Miezaky manoriky soa ty fampianara baka amy Jesosy Kristy zahay sady manahaky azy.—1 Petera 2:21.

  • Mino zahay fa Jesosy ro hahazoa famonjea satria “tsy misy anara hafa ambany lanitsy etoy, namea olo hahazoantsika famonjea.”—Asan’ny Apostoly 4:12.

  • Atao batisa amy anara Jesosy ty olo manjary Vavolombelo Jehovah.—Matio 28:18, 19.

  • Ataonay amy anara Jesosy ty vavaky anovinay.—Jaona 15:16.

  • Mino zahay fa Jesosy ro Lohany, na namea fahefà, amy ty lahilahy iaby.—1 Korintianina 11:3.

Fe maro ty raha tsy mampitovy anay amy fivavaha hafa kaihy hoe Kristiana. Inoanay ohatsy ty raha ampianary ty Baiboly hoe Ana Ndranahary Jesosy fa tsy tafilitsy amyNdranahary telo fe raiky na trinité. (Marka 12:29) Tsy mino zahay hoe tsy mety maty ty fanahy. Tsy mino zahay hoe mampijaly olo amy afobe any zisiky farany Ndranahary satria tsy mivola raha zay ty Baiboly. Tsy mino koa zahay hoe mila amea anaram-boninahitsy ty mpitariky fivavaha mba hanavaha azy aminolo hafa.—Mpitoriteny 9:5; Ezekiela 18:4; Matio 23:8-10.