Hanenty ty anatiny ao

Ho amy fizarà anatiny any

Vavolombelo Jehovah

Vezo

Sekta va ty Vavolombelo Jehovah?

Sekta va ty Vavolombelo Jehovah?

Aha, Tsy sekta ty Vavolombelo Jehovah. Kristiana zahay, ka manao farany ze vitanay mba hanoriha ty ohatsy nengà Jesosy noho miay mifanaraky amy ty raha nampianariny.

Ino ty atao hoe sekta?

Samby hafa ty fahaizanolo ty dika ty safà hoe “Sekta”. Ndao tsika handiniky raha roe ivolana ty hoe sekta, le ho henteantsika hoe manino zahay ro tsy sekta.

  • Misy mihevitsy fa fivavaha vaovao na tsy mahazatsy ty hoe sekta. Tsy namoro fivavaha vaovao ty Vavolombelo Jehovah. Mbo modely ty fivavaha narahy ty kristiana tamy taonjato voaloahany avao ro arahinay. Voasoratsy amy Baiboly ao modely zay noho ty fampianara narahin-drozy. (2 Timoty 3:16, 17) Mino zahay fa ty Soratsy Masy avao ro afaky mamaritsy ze fivavaha marina.

  • Misy mihevitsy fa fivavaha mahavoan-doza ty sekta sady manaraky mpitariky olombelo. Tsy olombelo ty mpitariky ty Vavolombelo Jehovah. Manoriky safà Jesosy toy zahay. Hoy ty asany: “Raiky ty Mpitariky anareo, le i Kristy.”Matio 23:10.

Tsy fivavaha mahavoan-doza mihintsy ty Vavolombelo Jehovah. Misy raha soa aza azo ty olo mivavaky ao noho ty olo hafa. Vokatsy ty fivavaha arahinay ohatsy, le maro ty olo afaky tamy fahazaran-draty nanany, ka nanjary tsy nitroky raha maha ango sady tsy niboboky toaky sasy. Mampianatsy mamaky teny noho manoratsy koa zahay, le olo anarivony amy tany toy iaby ro mahazo tombony baka amy raha zay. Mazoto manampy olo tra-boina koa zahay, lafa misy loza miseho. Miezaky zahay mba hisy vokany soa aminolo hafa ty fandaisam-batanay noho ty raha ataonay, araky ty safà Jesosy tamy ty mpanori-dia azy.—Matio 5:13-16.