Hanenty ty anatiny ao

Ho amy fizarà anatiny any

Vavolombelo Jehovah

Vezo

Ia ro Nananga ty Fivavaha ty Vavolombelo Jehovah?

Ia ro Nananga ty Fivavaha ty Vavolombelo Jehovah?

Talohaloha ty tao 1900 ro nanomboky nisy ty Fandamina misy ty Vavolombelo Jehovah amy andro henanizao. Tamy fotoa zay ro nisy olo vitsivitsy niaraky nianatsy Baiboly. Tanila Pittsburgh, a Etazonia any, rozy ro nanomboky nandiniky tsikelikely ty raha volany amy Baiboly ao. Nihentean-drozy laha nitovy tamy ty raha marina amy Baiboly ao ty raha nampianary tamy fiangona tany. Nataon-drozy pirinty ty raha nianarany, ka naboakiny tamy boky noho gazety, raiky amy raha reo ty gazety kaihy henanizao hoe Ny Tilikambo Fiambenana Manambara ny Fanjakan’i Jehovah.

Raiky amy mpianatsy Baiboly tea raha marina reo Charles Taze Russell. Ekenay fa Russell ro nitariky ty asa fampianara Baiboly tamy fotoa zay, sady ie koa ro mpampiboaky gazety Ny Tilikambo Fiambenana io voalohany. Fe tsy hoe namoro fivavaha vaovao ie. Mpianatsy Baiboly ro nahaiza an-drozy tamy fotoa zay, le ho zao ty raha nikendren-drozy niaraky tamy Russell: Ty hanaraky ty raha natao Kristiana tamy taonjato voalohany reny noho hampirisiky olo hanaraky ty raha nampianary Jesosy Kristy. Jesosy aminay ro nananga ty fandamina misy anay satria ie ro Nananga ty Fivavaha Kristiana.—Kolosianina 1:18-20.