Hanenty ty anatiny ao

Ho amy fizarà anatiny any

Vavolombelo Jehovah

Vezo

Inoa ty Vavolombelo Jehovah va ty Fampianara Sisany Mikasiky ty Famorona?

Inoa ty Vavolombelo Jehovah va ty Fampianara Sisany Mikasiky ty Famorona?

Aha. Mino ty Vavolombelo Jehovah hoe niforony Ndranahary ty raha iaby. Fe tsy inoanay ty fampianara sisany mikasiky ty famorona. Ino ty antony? Satria mifanohitsy amy Baiboly ty ankamaroa ty raha ampianarin-drozy. Henteo moa ohatsy roe retoa:

  1. Ty halava ty eninandro famorona. Misy ty mino hoe tanaty ty andro ara-bakiteny naharitsy 24 lera ro nanaova Ndranahary ty famorona. Kanefa mety hanondro fotoa lava biby ty safà hoe “andro” amy Baiboly ao.Genesisy 2:4; Salamo 90:4.

  2. Ty tao nampisy ty tany. Misy ty mino hoe vo an’arivony tao teo ho eo ro namorona ty tany. Kanefa, laha hentea ty Baiboly, le fa nisy taloha ty eninandro famorona ty tany noho ty raha hafa anabo any. (Genesisy 1:1) Zay ty antony mahavy ty Vavolombelo Jehovah tsy mandìtsy ty porofo baka amy siansy fa mety ho fa an-tapitrisany tao ro nampisy ty tany.

Mino ty famorona ty vavolombelo Jehovah fe tsy mpanohitsy siansy. Ekenay fa mifanaraky amy Baiboly ty siansy vatany.