Hanenty ty anatiny ao

Ho amy fizarà anatiny any

Vavolombelo Jehovah

Vezo

Ino Filan-kevi-pitantanani-Vavolombeloni-Jehovah Zao?

Ino Filan-kevi-pitantanani-Vavolombeloni-Jehovah Zao?

Lahilahy kristiana matotsy vitsivitsy manome tari-dala ho ahi-ty Vavolombeloni-Jehovah amy tany toy iaby Filan-kevi-pitantana io. Mizara roe ty asan-drozy:

  • Manara-maso hoe ino ty torolalani-Baiboly aboaky amy boky noho gazety, noho ty raha ianara am-pivoria, noho amy sekoly ataoni-Vavolombeloni-Jehovah rey any.Lioka 12:42.

  • Miandraikitsy ty asa ataoni-Vavolombeloni-Jehovah amy tany toy iaby, ka mitariky ty asa fitoria ataonay sady manara-maso ty fomba hampiasà ty drala noho ty fanomeza iaby amean’olo.

Manahaky ty “apostoly noho ty anti-panahy ta Jerosalema” tamy taonjato voalohany ty Filan-kevi-pitantana. Nandramby fanapahan-kevitsy bevata lahilahy tamy taonjato voalohany reo mba hahasoa ty fiangona kristiana iaby. (Asa 15:2) Fe tsy rozy ro nitariky ty fiangona. Tsy ty Filan-kevi-pitantana koa ro mpitariky ty fandamina misy anay. Mila tari-dala baka amy Baiboly ao rozy satria hain-drozy soa fa Jesosy Kristy ro nitendreni-Jehovah ho Lohani-fiangona.1 Korintianina 11:3; Efesianina 5:23.

Ia Iaby ty Olo amy Filan-kevi-pitantana io?

Retoa iaby ty olo anatini-filan-kevi-pitantana io tamy Marsa 2016: Samuel Herd, Geoffrey Jackson, Stephen Lett, Gerrit Lösch, Anthony Morris III, Mark Sanderson, noho David Splane. Manao fanompoa amy foibenay a Warwick, Etazonia ao rozy.

Manao akory ty fomba fiasani-Filan-kevi-pitantana io?

Nananga komity eny ty filan-kevi-pitantana mba hanara-maso ty asani-Vavolombeloni-Jehovah. Misy raiky amin-drozy farafahakeliny miaraky miasa amy ty komity kiraidraiky.

  • Komitini-Mpandrindra: Mikarakara ty resaky lalàna komity io, sady manampy lafa misy azon-doza, na lafa misy Vavolombeloni-Jehovah enjehy amy ty finoany, na lafa misy raha manahira hafa mahazo anay, ka mila alamy meky.

  • Komitini-Mpiasa: Mikarakara ze raha mikasikasiky ty fianakaviani-Betela komity io.

  • Komitini-Mpanamboatsy: Miandraikitsy ty fanamboara noho ty fandefasa boky noho gazety mifototsy amy Baiboly. Mbo anatini-asany koa ty fanamboara pilasy fivorianay, biròni-fandikan-teny, noho ty biròni-sampana.

  • Komitini-Fanompoa: Miandraikitsy ty asa fitoria mikasiky “vaovao soani-Fanjakà iny.”Matio 24:14.

  • Komitini-Fampianara: Manoma raha ampianary am-pivorianay any rey, na amy sekolinay rey, na amy video noho fandahara nalà feo rey.

  • Komitini-Fanorata: Manoma ty toromariky baka amy Baiboly atao anatini-boky noho gazety na amy tranonkalanay rey komity io, sady manara-maso ty asa fandikan-teny.

Ankoatsini-asa ataoni-Filan-kevi-pitantana anatini-komity reo, le mivory indraiky sankerinandro koa rozy mba handiniha ty raha ilàni-fandaminanay. Mandiniky ty raha volanini-Soratsy Masy rozy amy fivoria rey, sady miambany ka maneky hotarihini-fanahy masi-Ndranahary lafa hanapa-kevitsy. Miaraky maneky an’iny rozy bakeo.Asan’ny Apostoly 15:25.

Ia iaby ty mpanampy ani-Filan-kevi-pitantana io?

Kristiana azo atokisa rozy, ka manampy ani-komity amy Filan-kevi-pitantana eo rey. (1 Korintianina 4:2) Hain-drozy soa ty asa ataon-drozy amy komity misy an-drozy ao, sady fa zatsy soa rozy. Mamonjy ty fivoria ataoni-komity misy an-drozy iaby rozy sankerinandro. Tsy manapa-kevitsy rozy fe manome soso-kevitsy noho fanazavà mety hilà. Manatanteraky ani-ze fanapahan-kevitsy nirambesini-komity iny rozy bakeon’iny sady manenty hoe nanao akory ty vokatsiny. Mety hotendreni-Filan-kevi-pitantana hitsidiky ty Kristiana namanay amy tany toy iaby rozy, na mety hampanoviny anjara amy fivoria fatao santao na amy Fizarà Diplomini-Gileada rey.

LISTANI-MPANAMPY TY FILAN-KEVI-PITANTANA

Komity

Anara

Mpandrindra

  • Ekrann, John

 

Mpiasa

  • Grizzle, Gerald

  • LaFranca, Patrick

  • Molchan, Daniel

  • Walls, Ralph

 

Mpanamboatsy

  • Adams, Don

  • Butler, Robert

  • Corkern , Harold

  • Gordon, Donald

  • Luccioni, Robert

  • Reinmueller , Alex

  • Sinclair, David

 

Fanompoa

  • Breaux, Gary

  • Dellinger, Joel

  • Hyatt, Seth

  • Mavor, Christopher

  • Perla, Baltasar, Jr.

  • Turner, William, Jr.

  • Weaver, Leon, Jr.

 

Fampianara

  • Curzan, Ronald

  • Flodin, Kenneth

  • Malenfant , William

  • Noumair, Mark

  • Schafer, David

 

Fanorata

  • Ciranko, Robert

  • Mantz, James

  • Marais , Izak

  • Smalley, Gene

  • van Selm, Hermanus