Hanenty ty anatiny ao

Ho amy fizarà anatiny any

Vavolombelo Jehovah

Vezo

Tsy Mifandramby amy Vavolombelo Naman-drozy Taloha Sasy va ty Vavolombelo?

Tsy Mifandramby amy Vavolombelo Naman-drozy Taloha Sasy va ty Vavolombelo?

Laha misy Vavolombelo Jehovah vita batisa fe fa tsy mitory sasy, na mety fa tsy mivory miaraky aminay sasy, le mbo ifandrambesanay avao. Miezaky aza zahay mifandramby noho manampy an-drozy ho tea Ndranahary ndraiky.

Tsy voatery horoahy avao ze nanao fahota bevata. Fe laha zatsy tsy manoriky ty raha volany amy Baiboly ao ty Vavolombelo vita batisa raiky, le tsy mifandramby aminy sasy zahay satria horoahy ie. Mivola mazava ty Baiboly hoe: ‘Alao tsy ho aminareo eo azy mpanao raha raty iny.’—1 Korintianina 5:13.

Manao akory laha misy lahilahy raiky voaroaky, fe mbo Vavolombelo Jehovah avao ty valiny noho ty anany? Fa tsy manao raha mikasiky fanompoa Jehovah miaraky amy ty valiny noho ty anany sasy ie, fe tsy midika zay hoe rava ty maha fianakavia raiky an-drozy. Tsy miova ty fifandrambesany amy valiny noho amy ty anany amy fiainan-drozy sanandro.

Mahazo mamonjy ty fotoam-pivavaha ataonay ty olo voaroaky. Afaky mahazo torohevitsy mifototsy amy Baiboly baka amy anti-panahy amy fiangona ao koa rozy, laha teany. Ty hahavy an-drozy hanjary Vavolombelo Jehovah ndraiky ro kendré amy raha zay. Laha misy voaroaky miala amy ty raha raty fataony sady atorony amy ty raha anoviny, fa ta hanoriky ty raha volany amy Baiboly ao vatany ie, le horambesy soa amy fiangona ao ndraiky.