Hanenty ty anatiny ao

Ho amy fizarà anatiny any

Ho amy loha hevitsy any

Vavolombelo Jehovah

Vezo

Kahiem-pivoria Fiaina Noho Fanompoa  |  Ziè 2017

 TY FIAINANTSIKA KRISTIANA

Fahalalam-pomba Lafa Am-baravara Eo

Fahalalam-pomba Lafa Am-baravara Eo

Mitovy amy “fampisehoa an-tsehatsy hohenteani-zao tontolo zao” io ty Kristiana. (1Ko 4:9) Ka tsy tokony hahatseriky antsika laha misy tompon-trano mitangiriky antsika baka an-dafonety eo, na mijanjy ambalikini-varavarany ao. Mety hasiany kamerà na mikrô mihintsy aza amy tranony eo, amy zay ie afaky manenty noho mijanjy antsika, na mandramby feo na video. Retoa misy fomba vitsivitsy azontsika ampisehoa hoe mahalala fomba tsika lafa am-baravara eo.—2Ko 6:3.

• AMY FANDAISAM-BATANAO (Fi 1:27):

  • Hajao tranon’olo iny fa ka mitangiringiriky. Ka mihina, na mino, na mitelefony na mandefa mesazy lafa am-baravara eo

• AMY SAFÀNAO (Ef 4:29):

  • Laha mbo am-baravara eo iha, le ka mivola raha tsy teanao ho reni-tompon-trano iny. Ty mpitory sisany aza mijano tsy mifampiresaky mihintsy lafa am-baravara eo, amy zay ho tiaron-drozy soa ty hevitsy tean-drozy hambara amin’olo iny

Ino koa ty fomba azonao ampisehoa fahalalam-pomba lafa am-baravara eo?