Hanenty ty anatiny ao

Ho amy fizarà anatiny any

Ho amy loha hevitsy any

Vavolombelo Jehovah

Vezo

Kahiem-pivoria Fiaina Noho Fanompoa  |  Zanviè 2017

 TY FIAINANTSIKA KRISTIANA

Ka Halino ty Mivavaky ho ani-Rahalahintsika Enjehy Rey

Ka Halino ty Mivavaky ho ani-Rahalahintsika Enjehy Rey

Fa nivola ty Baiboly fa hanenjiky antsika Satana, amy zay tsy hahavita hanompo tsika. (Jn 15:20; Ap 12:17) Ino ty azontsika atao mba hanampea ty finoa raiky amintsika miatriky fanenjeha amy tany hafa any? Afaky mivavaky ho an-drozy tsika. “Misy heriny sady misy vokany bevata ty fisolohoan’olo marina.”—Jk 5:16.

Ino ty azontsika resahy amy vavaky? Afaky mangataky amy Jehovah tsika soa hana herim-po rahalahy noho anabavintsika rey fa tsy hatahotsy. (Is 41:10-13) Azontsika atao koa ty mivavaky ho ahi-ty manam-pahefà mba hitiavany ty asa fitoria ataontsika, ka “hananantsika fiaina kalma noho milamy avao.”—1Ti 2:1, 2.

Lafa niatriky fanenjeha Paoly noho Petera, le nivavaky ho an-drozy ty Kristiana tamy taonjato voalohany, ka nanono ty anaran-drozy mihintsy. (As 12:5; Ro 15:30, 31) Mety tsy ho haintsika iaby ty anarani-azy miatriky fanenjeha henanizao reo. Fe mba azontsika tonony va ty fiangona, tany, na faritsy misy azy?

Sorato hoe ty rahalahintsika enjehy amy tany aia iaby ro teanao ho resahy amy vavaky.