Hanenty ty anatiny ao

Ho amy fizarà anatiny any

Ho amy loha hevitsy any

Vavolombelo Jehovah

Vezo

Kahiem-pivoria Fiaina Noho Fanompoa  |  Septambra 2016

 TY FIAINANTSIKA KRISTIANA

Ialao Lavitsy Fandriky Retoa Lafa Mampianatsy Baiboly

Ialao Lavitsy Fandriky Retoa Lafa Mampianatsy Baiboly
POZINY
Soratsy
Sary

Be Resaky: Ka mieritseritsy hoe tsy maintsy iha ro manazava kila raha iaby. Nampiasa fanontanea Jesosy mba hahavy ty olo handiniky noho hahay ty marina. (Mt 17:24-27) Ho velombelo soa ty fianara laha mametraky fanontanea iha sady ho hitanao hoe ino ty raha fa azoni-mpianatsy iny soa noho inoany. (be 253 § 3-4) Manàna fahareta lafa mametraky fanontanea, le andiniso ie hamaly. Laha diso ty valin-teniny, le ka avy le atoro ie, fa mametraha fanontanea fanampiny mba hahavy azy hahita ty valiny marina. (be 238 § 1-2) Mivolana miadakada lafa hiresaky hevitsy vaovao, soa ho mora azoni-mpianatsy iny.—be 230 § 4.

Manasaro-draha: Miezaha tsy hanazava ze raha iaby hainao mikasiky foto-kevitsy iny. (Jn 16:12) Ty hevitsy bevata amy fehintsoratsy iny avao ro ifantoho. (be 226 § 4-5) Tsy hazava ty hevitsy bevata, laha manome fanazavà malinidiniky maro iha, ndre atao hoe mahakinto aza raha zay. (be 235 § 3) Lafa mazava amy mpianatsy iny ty ventin-kevitsy, le mifindrà amy fehintsoratsy manaraky.

Ta Hahavita Fianara Avao: Ta hidosiky ty fon’olo tsika fa tsy hoe ta hamita fianara avao. (Lk 24:32) Ampiasào ty Safà-Ndranahary, ka mifantoha amy andinin-teny fototsy amy fianara iny. (2Ko 10:4; He 4:12; be 144 § 1-3) Mampiasà fanohara tsotra. (be 245 § 2-4) Diniho soa mpianatsy iny, ohatsy hoe ino ty raha manahira azy noho ty raha inoany, le ampifanaraho amy zay fianara iny. Anontaneo, ohatsy, ie hoe: “Manao akory ty fahitànao ty raha ianaranao?” “Ino ty ianarantsika mikasiky ani-Jehovah?” “Manino ro soa ty manoriky torohevitsy io?”—be 238 § 3-5; 259 § 1.