Hanenty ty anatiny ao

Ho amy fizarà anatiny any

Ho amy loha hevitsy any

Vavolombelo Jehovah

Vezo

Kahiem-pivoria Fiaina Noho Fanompoa  |  Oòh 2017

 TY FIAINANTSIKA KRISTIANA

Ombia ty Ahafahako Manao Mpisava Lala Mpanampy Ndraiky?

Ombia ty Ahafahako Manao Mpisava Lala Mpanampy Ndraiky?

Natoroni-Jehovah tamy fahitàni-Ezekiela mikasiky tempoly iny fa hanao fanatitsy an-tsitrapo ty vahoakiny. Manao akory koa ty fomba hanaovantsika soro fiderà?—He 13:15, 16.

Fomba soa hanaova ani-zay ty fanaova mpisava lala mpanampy. Amy taom-panompoa 2018, le maromaro ty vola misy Sabotsy limy na Lahady limy. Tena manampy raha zay ho ahi-ty olo manao asa fiveloma amy fotoa iaby ka saky farani-herinandro avao matetiky vo afaky manompo. Mbo afaky mifily hameno 30 na 50 lera koa ty mpitory amy vola Marsa noho Avrily noho amy vola itsidihani-mpiandraikitsini-faritsy.

Ka akory laha misy raha tsy ahavitantsika manao mpisava lala mpanampy? Mbo azontsika atao avao ty miezaky manasoa ty fanompoantsika noho mampitombo azy koa vasa. Loniky lahy hanosiky antsika ty fitiavantsika ani-Jehovah, ka ndre ino ndre ino ty raha iainantsika le ze farani-soa ro hameantsika azy amy taom-panompoa 2018 io!—Ho 14:2.

Manao akory ty hanahafako ty fazotoani-Sabina Hernández?

HENTEO TY VIDEO HOE PRESKY VITAKO TY RAHA IABY, SATRIA EO JEHOVAH, BAKEO VALEO FANONTANEA RETOA:

  • Ino ty nanosiky ani-Sabina hampitombo ty fanompoany ani-Jehovah?

  • Manino ro mampahery anao ty tantarani-Sabina?

  • Vola ino iha ro afaky manao mpisava lala mpanampy amy tao 2018?