Hanenty ty anatiny ao

Ho amy fizarà anatiny any

Ho amy loha hevitsy any

Vavolombelo Jehovah

Vezo

Kahiem-pivoria Fiaina Noho Fanompoa  |  Oktobra 2017

 TY FIAINANTSIKA KRISTIANA

Miderà ani-Jehovah Laha mbo Velo!

Miderà ani-Jehovah Laha mbo Velo!

Fanomeza lafovily ty ay. Amy fampiasantsika ty fiainantsika sanandro ro ahità hoe mankasitraky ani-fanomeza io tsika. Vavolombeloni-Jehovah tsika, ka miezaky mampiasa ty talenta noho ty fahaizantsika mba hanomeza voninahitsy ani-Jehovah, satria ie ro Mpanome Ay. (Sl 36:9; Ap 4:11) Fe miay amy tontolo raty toy tsika. Maro ty raha mampiasa loha antsika sanandro, farany mora amintsika ty manalino mila raha ara-panahy. (Mr 4:18, 19) Soa laha mieritseritsy tsika kiraidraiky hoe: ‘Ze farani-soa vatany va ro ameako ani-Jehovah? (Ho 14:2) Misy vokany amy fanompoako ani-Jehovah va ty asako? Ino ty raha kendreko ara-panahy? Manao akory ty hampitomboako ty fanompoako?’ Laha hitanao hoe misy raha tokony hasoavy, le mangataha fanampea amy Jehovah bakeo areno raha zay. Ho afa-po noho sambatsy iha laha midera ani-Jehovah sanandro!—Sl 61:8.

Ameanao an’ia ty talentanao?

HENTEO TY VIDEO HOE AMPIASAO HO ANI-JEHOVAH TY TALENTANAO, BAKEO VALEO FANONTANEA RETOA:

  • Manino ro tsy fahendrea ty manome ty talentanao ho ani-tontoloni-Satana toy?

  • Ino ty fitahia ho azoni-ze manome ani-Jehovah ty farani-soa ananany?

  • Ino ty karazani-fanompoa masy azonao ampiasà ty talentanao noho ty fahaizanao?