Hanenty ty anatiny ao

Ho amy fizarà anatiny any

Ho amy loha hevitsy any

Vavolombelo Jehovah

Vezo

Kahiem-pivoria Fiaina Noho Fanompoa  |  Novambra 2017

 TY FIAINANTSIKA KRISTIANA

Hasoavo ty Fanompoanao: Manaova Fimpolia Mitsidiky

Hasoavo ty Fanompoanao: Manaova Fimpolia Mitsidiky

MANINO RO TENA ILÀ? Maro ty olo kinto amy hafatsy mikasiky Fanjakà iny ka ta hahay ty marina mikasiky a Ndranahary. (Is 55:6) Tsy maintsy mimpolimpoly matetiky tsika, amy zay afaky mampianatsy an-drozy tsikelitsikely. Samby hafa ty raha sarotsy iainan’olo, ka tsy mitovy ty fomba anampeantsika an-drozy mba ho kinto avao. Hahita vokatsy tsika laha manoma soa noho mana raha kendrè saky mitsidiky, sady mieritseritsy hanomboky fampianara Baiboly lafa afara ao.

AKORY TY HANAOVA AZY?

  • Mimpolia malaky, vasa afaky andro vitsivitsy.—Mt 13:19

  • Miezaha ho kalma noho soa fanahy sady manaja

  • Atomboho amy fiarahabà mafana. Tonono ty anarany. Ampahatiarovo azy ty antony impolianao aminy any, ohatsy hoe hamaly fanontanea, handay gazety niboaky farany, hampiseho ty tranonkalantsika, handefa video, na hampiseho ty fomba fianara Baiboly. Laha miresaky foto-kevitsy hafa ie, le ovao hifanaraky amy zay ty raha resahinao.—Fi 2:4

  • Miresaha hevitsy baka amy Baiboly ao na mametraha boky noho gazety mba hanondraha ty voani-fahamarina nambolenao tam-pony ao. (1Ko 3:6) Miezaha hifankazatsy aminy

  • Anovo ze hitohizani-resaky iny amy fimpolia manaraky