Hanenty ty anatiny ao

Ho amy fizarà anatiny any

Ho amy loha hevitsy any

Vavolombelo Jehovah

Vezo

Kahiem-pivoria Fiaina Noho Fanompoa  |  Marsa 2016

 TY FIAINANTSIKA KRISTIANA

Azo Antoky fa Hovelomy ty Maty

Azo Antoky fa Hovelomy ty Maty

Maro ty fitahia ho azontsika baka amy vilim-panavota. Nanampy antsika hahita sandrany ani-fitahia reo Fahatiarova iny. Manjary matoky, ohatsy, tsika fa hovelomy ndraiky ty maty. Raha farany ze mampalahelo antsika ty hoe maty longo, satria tsy nirìni-Jehovah ho maty mihintsy ty olo. (1Ko 15:26) Nalahelo biby Jesosy lafa nahita ty mpianatsiny nalahelo noho nitany, lafa nimaty Lazarosy. (Jn 11:33-35) Nitovy soa tamy Babany Jesosy, ka azontsika antoky fa malahelo koa Jehovah lafa mahita antsika malahelo amy longontsika maty rey. (Jn 14:7) Tena fa tsy linini-Jehovah ty fotoa hamelomany ty mpanompony fa nimaty. Tokony hanahaky ani-zay koa tsika.—Jb 14:14, 15.

Ndranaharini-filamina Jehovah, ka soa tsika laha mino hoe hilamy soa ty fomba hamelomany ty maty. (1Ko 14:33, 40) Fa fotoa fandrambesa olo nivelomy rey amy zay fa tsy fotoa fandevena sasy. Mametsivetsy fameloma io va iha, sirtò amy fotoa iha malahelo longonao maty iny? (2Ko 4:17, 18) Misaotsy ani-Jehovah va iha satria ie nanome vilim-panavota noho nanambara amy Baiboly ao fa mbo ho velo ndraiky ty maty?—Kl 3:15.

  • Ia amy ty namanao noho ty longonao ro tena fa tsy lininao ty hahita azy?

  • Ia amy ty olo amy Baiboly ao ty tena teanao ho hita noho hiresaha?