Hanenty ty anatiny ao

Ho amy fizarà anatiny any

Ho amy loha hevitsy any

Vavolombelo Jehovah

Vezo

Kahiem-pivoria Fiaina Noho Fanompoa  |  Marsa 2016

 TY FIAINANTSIKA KRISTIANA

Rambeso Soa ty Vahinintsika

Rambeso Soa ty Vahinintsika

Vahiny 12 tapitrisa mahery ro tamanintsika hanatriky Fahatiarova amy 23 Marsa. Hiavaky vatany ty raha ho ren-drozy baka amy raha horesahini-mpandahateny mikasiky ty fanomeza bevata baka amy Jehovah! Tsy ino zay fa ty vilim-panavota noho ty fitahia maro ho azon’olombelo baka amy raha zay amy hoavy. (Is 11:6-9; 35:5, 6; 65:21-23; Jn 3:16) Fe tsy mpandahateny iny avao ro hitory amy fotoa manoka io. Fitoria vita ho azy ty fahaizantsika kiraidraiky mandramby soa ty vahinintsika. (Ro 15:7) Retoa misy soso-kevitsy:

  • Miezaha handramby ze olo vahiny na azy fa tsy nitory sasy rey, le mba homehomeheza sady arahabao ie fa avy soa, fa ka avy le mipetraky mandiny fandahara hanomboky avao

  • Henteo soa ze olo mety hoe niavy vokatsini-ezaky manoka iny, ndre fa mana ty vahininao iha. Azonao anontanea ie laha vo sambany namonjy fivoria. Asao hiaraky hipetraky aminao ty vahiny raiky soa ho afaky hiharo Baiboly noho fihirà nareo

  • Miezaha mba ho afaky hamaly fanontanea lafa rava. Laha mbo hisy fiangona hafa handimby anareo ty eo, le mifanaova fotoa mba hitsidiha azy andro vitsivitsy afarani-zay. Laha mbo tsy hainao ty adiresiny na ty nimero telefoniny, le afaky mivola iha hoe: “Mba teako ho hay ty hevitsinao mikasiky fandahara iny. Manao akory ty hifankahitantsika?”