Hanenty ty anatiny ao

Ho amy fizarà anatiny any

Ho amy loha hevitsy any

Vavolombelo Jehovah

Vezo

Kahiem-pivoria Fiaina Noho Fanompoa  |  Marsa 2017

 TY FIAINANTSIKA KRISTIANA

Fomba Fampiasà ty Bokikely Janjino Ndranahary

Fomba Fampiasà ty Bokikely Janjino Ndranahary

Natao hampianara ty fahamarina fototsy amy Baiboly ao ty bokikely Janjino Ndranahary, fe sary ro nampiasà mba ho mora azon’olo tsy de mahay mamaky rey. Pejy roe saky fianara bokikely io. Natao soasoa biby sary reo, le nasia mariky amy sary sisany mba hahaiza hoe aia ty sary tokony hodinihy manaraky.

Mitovy avao ty sary amy bokikely Janjino Ndranahary noho amy bokikely Janjino Ndranahary le ho Velo Tsy Misy Farany Iha. Fe natao ho an’olo mba mahaihay mamaky teny ty bokikely Janjino Ndranahary le ho Velo Tsy Misy Farany Iha, satria maromaro soratsy anatiny ao. Matetiky ty mpitory ro tea mampiasa ani-bokikely io ndre mampiasa ani-bokikely Janjino Ndranahary iny ty olo ampianariny. Misy fanazavà fanampiny anaty efajoro ty pejy sisany, ka azo iaraha midiniky arakaraky ty fahatakarani-mpianatsy iny.

Azo apetraky amy fotoa iaby bokikely reo, ndre tsy ie aza ro apetraky amy vola iny. Lafa mampianatsy Baiboly, le ampiasao sary reo mba hanazavà ty tantara amy Baiboly ao. Mametraha fanontanea, soa handramby anjara mpianatsy iny sady ho hainao hoe azony ty raha ianaranareo. Vakio noho iaraho midiniky andinin-teny ambany eny rey. Lafa vita bokikely io, le mianara amy boky Ino Marina ro Ampianary ty Baiboly? na Ino ty Azonao Ianara amy Baiboly Ao? mba hanampea ani-mpianatsy iny handroso ho amy batisa.