Hanenty ty anatiny ao

Ho amy fizarà anatiny any

Ho amy loha hevitsy any

Vavolombelo Jehovah

Vezo

Kahiem-pivoria Fiaina Noho Fanompoa  |  Avrily 2017

 TY FIAINANTSIKA KRISTIANA

Afaky Manampy ty Olo Tsy Mitory Sasy Iha

Afaky Manampy ty Olo Tsy Mitory Sasy Iha

Amy Talata 11 Avrily ty datini-Fahatiarova. Ho maro ho avy amin’io ty olo fa tsy mitory sasy. Fa nanomboky nanao ani-korsa mana amy fiaina any iny rozy, fe tsy nazoto sasy. Fa nanino? Miresaky antony vitsivitsy ty bokikely Miverena Amin’i Jehovah. (He 12:1) Fe ndre zay, le mbo lafovily amy Jehovah avao rozy satria niviliny tamy lioni-Anakilahiny iny. (As 20:28; 1Pe 1:18, 19) Ino ty azontsika atao mba hanampea an-drozy himpoly amy fiangona eo?

Manao ze azony atao ty mpiaraky aondry mba hahitany ze aondry jeby. Ho zay koa fa miasa mafy ty anti-panahy mila noho manampy ty olo fa tsy mitory sasy. (Lk 15:4-7) Hita baka amy zay hoe tea noho mikarakara an-drozy Jehovah. (Je 23:3, 4) Fe tsy ty anti-panahy avao ro afaky manampy an-drozy, fa tsika iaby mihintsy. Lafa miezaky ho soa fanahy noho mampiseho fitiava tsika, le ho falifaly Jehovah. Mety hahasoa antsika mihintsy aza raha zay. (Oh 19:17; As 20:35) Eritsereto amy zay hoe ia ty azonao ampea, le tonga de ampeo ie fa ka mangataky andro!

HENTEO TY VIDEO HOE AMPEO AZY TSY MITORY SASY REY, BAKEO DINIHO FANONTANEA RETOA:

  • Ino ty nataoni-Abbey lafa nahita mpitory raiky mbo tsy nihainy mihintsy?

  • Manino tsika ro tokony hamonjy anti-panahy lafa mieritseritsy hanampy olo fa tsy mitory sasy?

  • Ino ty nataoni-Abbey lafa nioma ho amy Laura any fanindroeny ie?

  • Be fitiava Abbey sady nisisiky noho nahaliny raha lafa niezaky nanampy ani-Laura. Akory ty nampisehoany ani-rezay?

  • Ino ty ianarantsika baka amy fanoharani-Jesosy amy Lioka 15:8-10 ao iny?

  • Nanao akory ty vokatsini-ezaky maro biby natao tamy Laura rey?