Hanenty ty anatiny ao

Ho amy fizarà anatiny any

Ho amy loha hevitsy any

Vavolombelo Jehovah

Vezo

Kahiem-pivoria Fiaina Noho Fanompoa  |  Oòh 2016

 TY FIAINANTSIKA KRISTIANA

Hasoavo ty Fanompoanao: Ampeo Hanokam-bata Noho Hatao Batisa ty Mpianatsinao

Hasoavo ty Fanompoanao: Ampeo Hanokam-bata Noho Hatao Batisa ty Mpianatsinao

MANINO RO VATAN-DRAHA? Tsy maintsy manokam-bata noho atao batisa ty mpianatsy Baiboly vo mahazo hatò amy Jehovah. (1Pe 3:21) Fe mila miay mifanaraky amy ty fanokanam-batan-drozy rozy amy zay hifandramby soa amy Jehovah. (Sl 91:1, 2) Manokam-bata ho ani-Jehovah ty Kristiana fa tsy ho an’olo, na asa, na fikambana. Ka laha zay ie, le mila mampitombo ty fitiavany a Ndranahary ty mpianatsy sady mazoto misaotsy azy.—Ro 14:7, 8.

AKORY TY HANAOVA AZY?

  • Lafa mianatsy, le ifampidiniho ty raha azo ianara mikasiky ani-Jehovah baka amy hevitsy iny. Ampirisiho ie ‘tsy hieny’ hivavaky amy Jehovah noho hamaky Baiboly sanandro.—1Te 5:17; Jk 4:8

  • Ampirisiho mpianatsy iny mba hataony raha kendrè ty fanokanam-bata noho batisa. Ampeo ie hanatratsy raha mora kendrè, ohatsy hoe manome valin-teny lafa mivory, na mitory amy ty olo mipetraky marìny azy na ty mpiaraky miasa aminy. Tiarovo fa tsy miforosè ndre ia ndre ia hanompo azy Jehovah. Ty kiraidraiky ro mifily hoe hanokam-bata sa tsy hanokam-bata.—De 30:19, 20

  • Anovo ze hahavy azy hanao fiovà mba hampifalifalea ani-Jehovah noho hahafeno fepetra hatao batisa. (Oh 27:11) Mila manafaky ty toetsy taloha ie mba hisikìna ty toetsy vaovao. (Ef 4:22-24) Fe mety hila fanampea mitohy ty mpianatsy Baiboly sisany satria fa nahazo vahatsy aminy ao ty toetsy noho ty fahazarany. Azonareo iaraha mamaky ty lahatsoratsy mitohitohy baka amy Tilikambo, manday ty lohateny hoe “Manova Olona ny Baiboly”

  • Tantarao aminy ty raha mahafalifaly hitanao amy fanompoa ani-Jehovah.—Is 48:17, 18