Hanenty ty anatiny ao

Ho amy fizarà anatiny any

Ho amy loha hevitsy any

Vavolombelo Jehovah

Vezo

Vaovao Soa Baka Amy Ndranahary!

 Fianara 1

Ino Vaovao Soa Zao?

Ino Vaovao Soa Zao?

1. Misy vaovao soa baka amy Ndranahary. Ino raha io?

Tea Ndranahary ho sambatsy amy fiaina amy tany toy eto ty olo. Niasa tany toy noho ty raha iaby aminy eo ie satria teany ty olombelo. Tsy ho ela le hataony ze hahavy ty olo iaby amy tany toy hana fiaina soa. Hataony tsy misy sasy ty fijalea.—Vakio Jeremia 29:11.

Mbo tsy nisy fanjakà nahavita nampiala ty famonoa olo noho halatsy, ty arety voho ty faty. Fe misy vaovao soa toy. Tsy ho ela le hosoloa Ndranahary amy ty Fanjakany ty fanjakà andesy ty olombelo. Hiada noho ho salama soa ty olo amy fotoa zay.—Vakio Isaia 25:8; 33:24; Daniela 2:44.

2. Manino vaovao soa io ro mila ambara malaky?

Tsy ho afaky ty fijalea laha tsy halà Ndranahary amy tany toy eto ty olo raty. (Zefania 2:3) Ombia raha zay ro hiseho? Fa nivolany ty Baiboly taloha tany ty mahavy antsika hijaly henanizao. Hita baka amy raha raty maro henanizao reo, fa sisa kely le handripaky ty olo raty Jehovah.—Vakio 2 Timoty 3:1-5.

3. Ino ty raha mila atao?

Mila mianatsy Baiboly, soa hahay Ndranahary. Mitovy amy taratasy niazo baka amy baba soa fanahy boky io. Atorony ao hoe ino ty raha mila atao laha ta hana fiaina soa manomboky henanizao. Atorony ao koa hoe manao akory ro hahavy ty olo ho velo tsy misy farany. Mety hisy olo halay ty hianaranao Baiboly, fe ka engà hisaka anao tsy hana fiaina soa raha zay.—Vakio Ohabolana 29:25; Apokalypsy 14:6, 7.