Hanenty ty anatiny ao

Ho amy fizarà anatiny any

Ho amy loha hevitsy any

Vavolombelo Jehovah

Vezo

Hahay Raha Maro ze Mianatsy Baiboly

 FIANARA FAHA-51

Maramila Raiky Noho Ajà Ampela Raiky

Maramila Raiky Noho Ajà Ampela Raiky

Nisy ajà ampela israelita zay ta Syria any. Nandesini-maramila syrianina rey lavitsy an-dreniny noho babany ie, le nataon-drozy mpiasani-ampela valini-Namàna zay. Sefoni-maramila Namàna io. Nanompo ani-Jehovah avao ajà ampela io, ndre tsy nanao ani-zay aza ty olo manodidy azy.

Niboka Namàna. Naharary azy avao aretiny io sanandro. Tena ta hanampy azy ajà ampela iny, ka hoy ty asany tamy valini-Namàna iny: ‘Zaho mahay olo hahafaky aretini-valinao ’o. Any mpaminanini-Jehovah an’Israely any zay. Elisa ty anarany. Afaky mitaha azy ie!’

Nivolanini-ampela iny tamy Namàna safàni-ajà iny. Fa ta ho salama marè Namàna ka nana amy Elisa an’Israely any vatany. Nitamà tse ie hoe Elisa ro ho avy eo hiresaky aminy, satria ie olo manan-kaja. Fe Elisa naniraky mpanompo avao mba hivola aminy hoe: ‘Ndany mandro impito amy Vavaranoni-Jordana ao soa ho afaky aretinao ’o.’

 Nitampoky ani-Namàna raha zay, ka hoy ty asany: ‘Zaho zao mba nieritseritsy hoe mpaminany zao mihintsy ro hivavaky amy ty Ndranahariny, le hanao fahagagà ie mba hahafaky aretiko toy. Kay hondy ampandehaniny amy vavarano an’Israely any zao aho. Ataony tsy misy vavarano soa mandilatsy ani-zao vasa ty a Syria etoa! Tsy aleoko mandro any!’ Neloky biby ie farany niala teo.

Nieritseritsy avao Namàna lafa niresaky taminy ty mpanompony hoe: ‘Ataoko raha teanao ho afaky zao aretinao ’o! Ka raha mora avao zay le tsy hataonao?’ Farany nandeha tamy Vavaranoni-Jordana any avao Namàna, le nijobo tao impito. Niafaky any aretiny iny lafa ie nijobo tao farany. Nifalifaly biby ie ka nimpoly tamy Elisa any mba hisaotsy azy. Hoy ty asany: ‘Haiko amy zay henanizao fa Jehovah ro Ndranahary marina.’ Mety nifalifaly zao ajà ampela israelita iny lafa hitany hoe afaky aretini-Namàna iny. Sa akory?

“Baka amy vavani-ajà kelikely noho anakajà minono ro anomezanao fiderà.”—Matio 21:16