Hanenty ty anatiny ao

Ho amy fizarà anatiny any

Ho amy loha hevitsy any

Vavolombelo Jehovah

Vezo

Hahay Raha Maro ze Mianatsy Baiboly

 FIANARA FAHA-44

Tempoly ho ani-Jehovah

Tempoly ho ani-Jehovah

Lafa nanjary mpanjakani-Israely Solomona, le nanontany azy Jehovah hoe: ‘Ino ty raha teanao hameako anao?’ Namaly Solomona hoe: ‘Mbo kelikely loatsy aho, ka tsy haiko ty tokony hataoko. Ka mba ameo fahendrea lahy aho hahaizako mikarakara vahoakinao reo.’ Le hoy Jehovah: ‘Hameako fahendrea vatany iha, le iha ro hataoko farany hendry amy ty olo iaby. Hameako hanana maro koa iha. Laha manoriky ty safàko avao iha, le ho lava velo.’

Namboarini-Solomona amy zay tempoly iny. Ze volamena noho volafoty, hazo, noho vato farani-ze soa ro nampiasany. Lahilahy noho ampela maro biby ty namboatsy ani-tempoly io, sady mahay iaby rozy. Vita tempoly iny lafa afaky fito tao, le nitokàna ho ani-Jehovah. Nisy alitara tempoly io, le nasia fanatitsy ty tanabony teo. Nitoliky any Solomona, nandohaliky sady nivavaky ho zao: ‘Kelikely lahy Jehovah trano toy sady tsy de soa loatsy, ka tsy maeva anao. Fe mba janjino lahy ty vavaky ataonay atoa.’ Nekeni-Jehovah va vavakini-Solomona iny? Laha vo vita vavaky iny, le nisy afo baka an-danitsy any nandoro ani-fanatitsy tanaboni-alitara teo iny. Nifalifaly Israelita reo lafa nihitan-drozy hoe niteani-Jehovah tempoly iny.

Nanjary haini-Israelita rey hoe hendry Solomona Mpanjaka. Nahay ani-zay iaby koa ndre ty olo nipetraky lavitsy biby any. Namonjy azy ty olo lafa nisy raha nanahira. Ndre ty mpanjakavavini-Sheba aza niavy taminy teo, le nametraky fanontanea maro sady sarotsy biby. Lafa namaly Solomona, le hoy mpanjakavavy iny: ‘Hendry vatany iha! Tsy nino aho lafa nisy olo nivola mikasiky anao. Fe hitako henanizao fa kay hondy mbo hendry marè mandilatsy ty nivolanin-drozy iha. Manampy anao vatany Jehovah Ndranaharinao.’ Niada ty Israelita tamy zay sady nisambatsy. Fe niova raha zay.

“Mbo misy bevata mandilatsy ani-Solomona ty eto.”—Matio 12:42