Hanenty ty anatiny ao

Ho amy fizarà anatiny any

Ho amy loha hevitsy any

Vavolombelo Jehovah

Vezo

Hahay Raha Maro ze Mianatsy Baiboly

 FIANARA FAHA-30

Navonini-Rahaba Mpisafo Tany Rey

Navonini-Rahaba Mpisafo Tany Rey

Nisy ampela raiky mana anara Rahaba zay nivantanani-mpisafo tany rey lafa niavy ta Jeriko tao. Nireni-mpanjaka iny raha zay ka naniraky maramila ho an-tranoni-Rahaba any ie. Navonini-Rahaba tanabo tafo ao mpisafo tany rey, le natorony lala hafa maramila rey. Hoy ty asany tamy mpisafo tany rey: ‘Manampy anareo aho, satria haiko fa manampy anareo Jehovah ka ho azonareo tany toy. Mba avoto lahy aho, le avoto koa fianakaviako reo.’

Hoy mpisafo tany rey tamy Rahaba: ‘Mifanta zahay fa tsy hisy hanahy ze olo miaraky mipetraky aminao. Fe arohizo am-baravarankelinao eo talinao menamena tia, soa ho avotsy nareo.’

Najotsoni-Rahaba tamy taly baka am-baravarankely eo mpisafo tany rey. Nana amy vohitsy any rozy, le nivony tany telo andro vo nimpoly tamy Josoa tany. Nitsaky ani-Jordana amy zay Israelita rey, bakeo nioma soa hahazo ani-tany iny. Jeriko ty tanà voalohany niresin-drozy. Nivolanini-Jehovah rozy mba hihodidy ani-tanà io indraiky sanandro anatini-enin’andro. Nihodidy ani-tanà io impito  amy zay rozy tamy andro fahafito. Bakeo nitsoky antsiva mpisoro rey, le nikoikoiky marè biby maramila rey. Nivorotraky lakorobeni-tanà iny! Tamy lakoro io eo ty tranoni-Rahaba, fe tsy nirava. Niavotsy Rahaba noho ty fianakaviany satria natoky ani-Jehovah.

“Manahaky ani-zay koa Rahaba ... Tsy nambara ho marina va ie tamy ty raha nataony lafa nandramby soa ani-iraky rey, noho nampandeha an-drozy amy lala hafa?”—Jakoba 2:25