Hanenty ty anatiny ao

Ho amy fizarà anatiny any

Ho amy loha hevitsy any

Vavolombelo Jehovah

Vezo

Hahay Raha Maro ze Mianatsy Baiboly

 FIANARA FAHA-8

Nanoriky ty Safà-Ndranahary Abrahama Noho Saraha

Nanoriky ty Safà-Ndranahary Abrahama Noho Saraha

Misy tanà raiky kaihy hoe Ora zay, tsy lavitsy ani-Babela. Mivavaky amy ndranahary maro ty olo ao fa tsy mivavaky amy Jehovah. Fe nisy lahilahy raiky zay tao. Jehovah raiky avao ro nivavahany. Abrahama ty anarani-lahilahy io.

Nivola tamy Abrahama Jehovah hoe: ‘Engao tranonao noho longonao reo, le ndany ho amy tany hatoroko anao zay.’ Bakeo nampitamà azy Ndranahary hoe: ‘Hanjary firenena bevata iha, le amy alalanao ro hahavy olo maro ambony tany etoy hameako raha soa.’

Natoky ani-Jehovah avao Abrahama ndre tsy hainy hoe irahini-Jehovah ho aia ie. Nanoriky ty safàni-Jehovah Abrahama noho Saraha valiny, miaraky amy Tera babany noho Lota anakini-rahalahi ny. Nahoron-drozy ty entan-drozy, le nandeha lavitsy biby amy zay rozy.

Fa 75 tao Abrahama, zay rozy vo niavy ta Kanana any. Io tany teani-Jehovah hatoro an-drozy io. Nivola tamy Abrahama amy zay Jehovah hoe: ‘Hameako ty taranakinao tany iaby hitanao manodidy anao io.’ Fa antitsy Abrahama noho Saraha tamy zay sady tsy nanan’anaky. Ka manao akory ty hanaovani-Jehovah raha nivolaniny zay?

“Finoa ro nahavy ani-Abrahama hanoriky safà ... ka nandeha amy tany ho lovany iny any. Nandeha avao ie, ndre tsy nihainy aza hoe ho aia.”—Hebreo 11:8