Hanenty ty anatiny ao

Ho amy fizarà anatiny any

Ho amy loha hevitsy any

Vavolombelo Jehovah

Vezo

Hahay Raha Maro ze Mianatsy Baiboly

 FIANARA FAHA-93

Nimpoly An-danitsy any Jesosy

Nimpoly An-danitsy any Jesosy

Nifankahita tamy mpanori-dia azy rey ta Galilia any Jesosy. Nandidy an-drozy ie hoe: ‘Mandehana, anovo mpianatsy ty olo amy tany toy iaby. Ampianaro an-drozy ze raha nampianariko anareo, bakeo anovo batisa rozy.’ Bakeo nampitamà an-drozy ie hoe: ‘Tiarovo fa hiaraky aminareo avao aho.’

Fa an-jatony ty mpianatsy nisehoani-Jesosy ta Galilia noho Jerosalema any, tanatini-40 andro tafarani-nameloma azy iny. Nisy raha bevata nampianariny an-drozy, le nanao fahagagà maro koa ie. Bakeo ie niaraky farany tamy apostoliny rey tamy Vohitsy Oliva teo. Hoy ty asany: ‘Ka miala a Jerosalema eto, fa liniso avao raha nampitamanini-Baba anareo iny.’

Tsy azoni-apostoly rey ty teani-Jesosy hovolany ka nanontany azy rozy hoe: ‘Ho lasa mpanjakani-Israely amy zay va zany iha?’ Namaly Jesosy hoe: ‘Mbo tsy zao ty fotoa hanaovani-Jehovah ahy Mpanjaka. Hahazo herini-fanahy masy nareo, ka ho lasa vavolombeloko. Mandehana mitory a Jerosalema, Jodia, Samaria noho amy faritsy farany lavitsy any.’

Niakatsy an-danitsy any amy zay Jesosy, le nisaronani-rahona. Mbo niandra teo avao mpianatsiny rey, fe fa tsy nihita sasy ie.

Niala teo amy zay mpianatsy rey, le nana a Jerosalema any. Nivory tsy tampaky tamy efitsy raiky anabo etazy zay ao rozy sady nivavaky. Nandinindiny avao rozy, satria nisy raha hafa teani-Jesosy hataon-drozy.

“Hotorỳ amy tany toy iaby vaovao soani-fanjakà iny toy, ho vavolombelo amy firenena iaby, zay vo ho avy ty farany.”—Matio 24:14