Hanenty ty anatiny ao

Ho amy fizarà anatiny any

Ho amy loha hevitsy any

Vavolombelo Jehovah

Vezo

Hahay Raha Maro ze Mianatsy Baiboly

 FIANARA FAHA-81

Toriteny Tam-bohitsy teo Iny

Toriteny Tam-bohitsy teo Iny

Lafa baka nifily apostoly 12 rey Jesosy, le nijotso baka anabo vohitsy eny, bakeo nandeha amy pilasy raiky nisy vahoaky nivorivory. Teo ty olo baka a Galilia, Jodia, Tyro, Sidona, Syria, noho baka ampitani-Jordana any. Nanday marary maro noho olo ampijalini-demonia rozy. Nitahani-Jesosy iaby rozy. Bakeo nipetraky amy sisini-vohitsy iny ie, le nanomboky nivola. Nihazavaniny hoe ino ty raha tsy maintsy ataontsika laha ta ho nama-Ndranahary tsika. Tokony ho tsapantsika hoe mila ani-Jehovah tsika sady mila mianatsy ho tea azy. Fe tsy afaky ho tea ani-Jehovah tsika laha tsy tea olo. Tokony ho soa fanahy noho hanao ty rariny amin’olo iaby tsika, ndre amy ty fahavalontsika aza.

Nivola Jesosy hoe: ‘Tsy ty namanao avao ro tokony ho teanao. Mila tea ty fahavalonao koa iha, sady manenga hadisoa vatany. Laha misy olo meloky aminao, le tonga de mandehana aminy any mba hifona. Anovo amin’olo ze raha teanao hataon’olo aminao.’

 Nanome torohevitsy soa mikasiky ty hanana koa Jesosy. Hoy ty asany: ‘Aleo nama-Jehovah tozay manan-drala maro biby. Mety hangalarini-mpangalatsy dralanao rey, fa ty finamanao amy Jehovah tsy hain’olo angalary. Ka miasa loha sasy amy ty raha ho haninao, na hinominao, na hisikinanao. Mba henteo moa voro rey. Atao-Ndranahary avao ze hahazoan-drozy hany ampy. Ndre miasa loha nareo, le tsy zay ty hahaela velo anareo. Tiarovo fa haini-Jehovah ty raha ilànareo.’

Mbo tsy naharè olo nivola manahaky ani-Jesosy vahoaky reo. Nisy mpitariky fivavaha avao tamin-drozy any, fe hafa ty raha nampianarin-drozy. Nanino Jesosy ro mpampianatsy bevata? Satria baka amy Jehovah iaby ze raha nampianariny.

“Andeso ty baoko le mianara amiko, fa malemy fanahy noho miambany aho, le ho velombelo nareo.”—Matio 11:29